Yuána Erká 5:7 - Fayam Midhab Yiesu Kiristoká He Hol Af Iđiny Kaanaká

⁷ Hé gáál Yíésu ˈduuwle geđuoká seđe.

Yuána Erká 5:7 ပူးပေါင်းရင်းမြစ်များ

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 18:16

Har he ko af nee ma konyka, máádhat éew, muuninyka, gáál naam hol eedhdhíe, giri aadh ˈdaatika, gál ko ˈdú ijo-, ko ˈdéé ˈdú chichiratká naam ubaa seđ nyuoroká.

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Yuána 1:1

Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 12:28

Aalé mu hatal yieká kieye, Baabá, meenykú ˈduwásish! yie. Aalé ˈdéé hót úr yé gáá ˈdiiyye, kieye, Yáá ˈduwasie, tá geđi ha yú ˈduuwaya, chie.

Yuána 14:17

Máá kinaallá he Hím Naasan hí ˈduuw Waaˈgiet af ki tatuoká. Gál lesalloká ˈdaa giri mú aargiroká điidhe-, ubaa mú muogká in mu gáál ma ˈdú ˈjeˈjeminy. Tá itín ˈdaa giri mu íín hí hol af iđa-, muí gaa ijoká it mú óg.

Yuána 15:26

Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 5:26

Íny ˈJaalle dhúrle hát fargogint gálaat luolmít ki shiguoká ˈgúóllá, in Inyle fargogint he gálaat luolmít ki shiguoká shie.

Yuána 8:18

Yú he máá ˈduuwle gálaat met gaa hogodhoká. Héétí ˈJaa chia ye ali gáá kaayká ˈduuwchú hogodho, muí yie.

Yuána 8:54

Yíésu gáál ˈdéé hol ˈdú nie, kieye, Yú har hol ˈduuwasuoka, af kinaalka ˈduuwchú hé kátaká mán. Máá ye ˈduuwasuoká he ˈJaa chia hí hol bal ki ˈdaraanna-, hí Waagkínyo chegetallá.

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

He Ekeny Gál Alb Fimiká 5:32

Nyíín ubaa Waag Hím Naasanlé giri Waag hí gállé hí met gaa kekeenká shiicheká in nyí hééllá ˈdúúw ˈdú ˈdiiyye, nyí hogoto, gaalí mú yie.

Yuána Erká 1:1

Nyiin Máá erkob-, Waag hátlé hé níínní ka kuonne mánká ali ije-, nyí ageerle nee kokoyye-, ubaa nyí il ki argiyyeká fayamle ke hí ki ˈdiyime. Máá ˈDeeny Luolmiti lééllá nyáá nyí argiyye, nyí gilkínyo ki chiichirate.

Yuána Erká 5:6

Yiesu Kirístóóllá he Máá bie ubaa fás kí yimieká. Mu hé bie tákámle ma kí yímen, mu bie ubaa fásso he kí yimie. Hééllá hát ˈdúwaká Hím Naasan Waaˈgiet aadh lulle hé ˈdúwaká hogotóóllá hé hí gáál ká geđicho.

Yuána Erká 5:8

Hé kinaallá he Hím Naasan Waaˈgiet, ubaa bie, tá fás. Hé seđééllá ˈduuw he hogodhoká tikiˈde.

Kí Edhesiny 19:13

Giel muí kaadhdheká fas hí bađisie, tá mú meenylé gaalí veveenká he ˈDeeny Waaˈgiet.