Yuána Erká 5:6 - Fayam Midhab Yiesu Kiristoká He Hol Af Iđiny Kaanaká

⁶ Yiesu Kirístóóllá he Máá bie ubaa fás kí yimieká. Mu hé bie tákámle ma kí yímen, mu bie ubaa fásso he kí yimie. Hééllá hát ˈdúwaká Hím Naasan Waaˈgiet aadh lulle hé ˈdúwaká hogotóóllá hé hí gáál ká geđicho.

Yuána Erká 5:6 ပူးပေါင်းရင်းမြစ်များ

Matááyo 26:28

Hééllá he fás chia he hol af iđiny-, Waag ubaa gálle hí hol af iđieká ˈduuwayo-, okodmoot-, gál burnayká nyuogim ubaa ađaabano gaa egewká.

Matááyo 3:16

Yíésu Yuána hí bie gim nieká, đo bie yé gáá ˈdie. Ál tikiˈde kinaallá úr đo af hí furme, Yuána Hím Naasan Waaˈgiet hát hóleká Yíésu ˈdu gáá lelete-, mú ˈdú yíéđianneká arge.

Márko 14:24

Mu gáál geey, kieye, Hééllá he fás chia he hol af iđiny-, gál burnayká ˈdaalle ki okodmootká.

Lúka 22:20

Golol he gáál gaa đueká mu geđi kulu ˈduuny vinna-, hí gaa ijeká eedhdhe, gáál geey, kieye, Kulúúllá he he hol af iđiny kaanaká. Hé hol af iđiny kaanáállá fás chia ˈdaakíchoka okodmootká ˈdaalle he ká naata.

Yuána 14:17

Máá kinaallá he Hím Naasan hí ˈduuw Waaˈgiet af ki tatuoká. Gál lesalloká ˈdaa giri mú aargiroká điidhe-, ubaa mú muogká in mu gáál ma ˈdú ˈjeˈjeminy. Tá itín ˈdaa giri mu íín hí hol af iđa-, muí gaa ijoká it mú óg.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 15:26

Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 16:13

Tá Hím Naasan hí ˈduuw Waaˈgiet af ki tatiyyo kinaallá ká chimieka, he lullé ˈdúwaká af haí gáá kokoyyo. Mu hé hélle ma hogon, mu hé maaleká hai hogodho, hé geđ igiroká haí ká geđia.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 4:10

Yíésu min ˈdéé hol ˈdú nie, kieye, Kuun har hé shiicho Waag hí gálaat shigichoká ubaa máá ko geđuo-, ye bie shíish yíéllá onnônyka, kó onnônyka mú heesete, mu ko bíé gálaat luolmít shiguoká shie, Yíésu hí yie.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 6:55

Gónchú he ˈguom ˈdúwaká, fáschú he hé imi-, ˈdúwaká.

He Ekeny Gál Alb Fimiká 8:36

Gaal ˈgíéríchlé gaa igireká gaal ál bie hí gaa ijo mare ká nyuore. Aalé máá giri Abachaká mú geey, kieye, Bie hállá, meete ye bie gim naan ká riridhdha? yie.

Róóma 3:25

Waag Yíésu ali gáá kaayyééllá, he giri mu suor yeget-, fásle okodmuo-, gál hí iiy yegetká ađaabano ubaa nyuogim gaa egewká. Waag mú ali gáá kaayyééllá, in he hát ˈdúwaká Waag hí gáál ká argisiche. Hé ˈdeđew-, héle gaalí eekemeyká hé muí il er nie.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Kolosááya 1:4

Hééllá he ˈdaa giri iiy yeen kíchia hí Yiesu Kirísto iiy chieká ubaa gielmit kíchia hí gál Kiristo lulle ka ˈgayyaká nyí maalleká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Títo 3:5

Rúbáchallá hé hé kúnnaa midhab-, ki eekemeyká ke ˈdaalle ma ki árginy. Rúbáchallá mú geer guurallé ke ki arge, in mú Hím Naasanle gáál ˈdalmaat kaanaká shiiche, gáál dhiiˈde, ke luolmit kaanaká arge.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Héberew 9:7

ˈBíl geer ki naamaká, máá méte suoryoká tákáma hí higile. Mu wár tikiˈdeká ˈbíl geer kinaallá kulich tikiˈd tákáma gaa higile. Mu ali higileká ađaable ˈdugaka suor he Waag ki ˈgaleká fásle ubaa ađaabano gálaat hí hile-, gaalí moonnoyká ˈdugaka suor he ˈgaleká fásle he ali ki higile, giri Waag Állé Súm ˈDúwa kinaal fás ki ˈdaraanká.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.