Yuána Erká 5:20 - Fayam Midhab Yiesu Kiristoká He Hol Af Iđiny Kaanaká

²⁰ Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána Erká 5:20 ပူးပေါင်းရင်းမြစ်များ

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Lúka 21:15

Hé hí hol ˈdú hogotoká af ha yú hí ká fafaa, ˈdaalím ha yú hí shigia, giri gál hí met il gaa ˈgieká hí ma ki faalminy-, ubaa hí ma ka aađaanká.

Lúka 24:45

Aalé mu gáál met eiy ˈdeey, giri gaal Warˈgat Waaˈgiet ˈdeenyle hélle kiimisatká.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 14:20

Kúlích kinaallá hát yú ˈJaachú gaa ijo-, itín hí ye gaa iđa-, tá yú hí gaa ijoká eiy haí naasata.

Yuána 14:23

Yíésu mú ˈdéé hol ˈdú nie, kieye, Máádhát ye geelnedheka, he onisinychú el hai gaa verene. ˈJaachú mú hai geelnedhe, mú ha nyí ˈdu gáá chiimedhe, afo nyí hol yíéđianna.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 14:9

Aalé Yíésu mú geey, kieye, Fílib, bííy muun ke hol af gáá yíéđieká, kó hátle ye muog? Máá ye argeká, ˈJaa chia arge. Tá háteeye, kúún kieye, Nyí ˈJaakú ka argísish, chie?

Yuána 15:4

Ye gaa yíéđía, yú hí gaa yíéđia. Kolmit hé tákámle ma higisiny, ˈgórle ki taalka, in higita. Itín hí ye ma ki ˈgiinyka, it ma higisiny.

Yuána 17:14

Yáá gáál fayamkú shie. Tá ˈdaa giri gaal íín hát yúka, gál lesallo-, muuninyká, gáál hé les gálle hí nebedhe.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Eféso 3:18

ubaa gál Kiristo lulle hí fargogínt aargiˈda-, hí gielmit Kiristo af mé mánnallá kiimisatoká.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Héberew 1:8

Tá Waag Íny ˈdaalleka kieye, Kó Waagallo, kara kua kansimoká taalle bííyyo hé ali yaal, tá gasar kuuní guchkú he ki mumuˈdoká he gasar ˈduwantiká.

Yuána Erká 2:23

Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Yuána Erká 2:24

Itínííllá, fayamééllá he onisinyle hát erkob hí maalleká hí ger gaa yíéđiyyo. Har he onisinyééllá hát erkob hí maalleká hí ger gaa iđoka, af kinaalka it Íny ubaa ˈJaalle taalle gaa iđa.

Yuána Erká 2:6

Máá kieye, Yáá mú gaa ijo, yegetká, húgúm Yíésu hí ki ijeká, úba hí ki yíéđuo.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Yuána Erká 4:16

Gielmit Waag hí gáál ka ˈgayyóóllá hé ke óg, úba hé ke iiy yie. Waag he gielmíti. Ameeny máá gielmitééllá ˈguo-, ki ijoká, máá kinaallá Waago gaa ija, tá íín úba hé Waag hí gaa iđo.

Yuána Erká 4:2

Gaal har gál Hím Naasan Waaˈgiet ˈdéé ki hogodhoká kátaka, hát ke eiy naasatká hééllá: Ameeny máá hééllá ˈdúúw hođisat-, kieye, Yiesu Kirísto hé gon kaadhdhe, lésallá gaa ˈdalidhe, yegetká, máá kinaallá Hím Naasan Waaˈgieto he ˈdéé ki hogodho.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána Erká 5:15

ˈDaa giri mu hát gáál af mamaloká ke ógká, mú ke he ruogoneka, hé kinaallá hát ke mú gaa aargiroká hé ke óg.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Yuána Erká 5:5

Mááya hé lesalloká ká aađadhdha? Máá Yíésu hát Iny Waaˈgietká iiy yeetká tákáma hé lesalloká ká aađadhdha.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá:

Kí Edhesiny 3:7

Gál Kiristo-, ˈjien Filaˈdelfia gaa ijoká máállé urru-, ˈgassoká ˈdeenyééllá ˈdú véer. Máá giri saas mán-, ˈdúwa-, kúlfí ˈDawuˈd gíl ka ˈguo-, hé af fufuroká máá níínní hí af gaa kokuo-, mán-, héétí hé af gaa kokuoká máá níínní hí af fufuro-, mánká ˈdeenyle hééllá:

Kí Edhesiny 6:10

Gaal af ˈdérká ˈdéé ki hodhe, kieye, Máá Guđo Waag saas mán-, ˈdúwa-, les he gaa mumuróóllo, kuun amáre gál les ˈdú ijoká ˈdéé ki iđimicha, fáskínyo halalle ká nanniyya? yie.