Yuána Erká 5:19 - Fayam Midhab Yiesu Kiristoká He Hol Af Iđiny Kaanaká

¹⁹ Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Yuána Erká 5:19 ပူးပေါင်းရင်းမြစ်များ

Lúka 4:6

mú geeyche, kieye, Lésallá guchle ubaa kamurle lulle ha yú ko shigia. ˈDaa giri hééllá lulle hé chúká máá yú ki fedo-, yú shiguoká ha yú shigia.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 16:11

Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

Yuána 17:15

Yáá ko ma rogonminy, kieye, Gáál lésallá gaa éeb, ma yegen, he gáál ˈdaa Sátanáka in ki ˈdé, yú yegedhe.

Róóma 8:16

Hím Naasan Waaˈgiet ubaa sidhamkúnno hát múún gon ke um Waaˈgietká hé gáál geđicho.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 5:1

Gón kúnnaallá he hát lokoolom lesallo-, aadh ˈdaatika ˈgieˈgewká. Muun gón kúnnaa lokoolomallá ˈgieˈgeyyeka, Waag hát muun gáál gón kaanaká úratí gaa shigichoká hé ke óg. Gón ke kakaat kinaallá he hát ény biiyo-, gál hí gil ki ˈdisse mán-, ma ˈgieˈgenyká.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Yuána Erká 3:14

ˈDaa giri muun ki gál nyaaramallá gielká, in hát ki kúfach el ki naate-, ki luolmít yé ˈdú ˈdieká ki og. Máá gál nyaaramallá ma geelnenyká hátle kúfacho he gaa ija.

Yuána Erká 3:24

Ameeny máá hemuumurit Waaˈgiet met gaa kekeenká, hé Waag gaa ijo, tá íín úba hé Waag hí gaa iđo. Waag hát muun gáál gaa iđo-, ki ógká hééllá: Mu Hím Naasanlé gáál ká shíéllá ke ki og.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.

Yuána Erká 5:13

It hí Iny Waaˈgiet iiy chíéllá in yú hí hééllá ˈdu gáá veere, giri hát hí luolmit biiyoká ˈgayyoká hí ógká.

Yuána Erká 5:15

ˈDaa giri mu hát gáál af mamaloká ke ógká, mú ke he ruogoneka, hé kinaallá hát ke mú gaa aargiroká hé ke óg.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 20:3

Mu úba Sátan ˈguoˈd gaa ˈdér-, el mé mánnallá ki lay, mú ˈguoˈd af ki koy, ˈguoˈd af saale, giri ˈdaab warram shíí tikiˈd ma béenyká Sátan geđ kidh ma nyiimisanká. Warram kinaal beeyka, Sátan rám mákárta-, iraam mánká Waag haí gaa fuuˈda.