Yuána Erká 5:14 - Fayam Midhab Yiesu Kiristoká He Hol Af Iđiny Kaanaká

¹⁴ Aalé Waag ˈdaalleka hé ˈdúwa-, ke tág ógká hééllá: hé muí gáál ki fedoká ke mú ruogoneka, mu af hai gáál maala.

Yuána Erká 5:14 ပူးပေါင်းရင်းမြစ်များ

Matááyo 21:22

He lullé hí Waag ki vivisata-, hí Waag rogononnoká hát hí aargiˈdoká hí iiy chieka, haí aargiˈda. Yíésu hí gáál yie.

Yuána 11:42

Hát kúún aadh lulle ye af mamalloká yáá óg. Tá gál állá ˈgíéllá ˈdaalle ˈdugaka in yú hééllá ki hodhe, giri hát kuun ye ali gáá kaayyeká gaalí iiy yegetká, yie.

Yuána 14:13

Aalé hé hí meenychú ˈdaalle ki hegesetoká roogle met ha yú hí gaa egedhdhe, giri yáá Ínyííllá ˈJaachú ˈdúúw egeetká.

Yuána 15:7

Har hí ye gaa iđa-, ˈdeenychú hí gaa ijoka, hé hí feˈdeká heetíe, haí aargiˈda.

Yuána 16:24

It hátle hé hí ˈdaa meenychú ki ruogonneká mán. Roogonóo, he haí aargiˈda, ger súm haí gaa meedhe.

Yuána 9:31

Waag hát gál ađaabano ˈguoká af nee ma kokonyká hé ki óg. Waag máá hí kikiat-, Waag hát feˈdoká el gaa igiroká he af nee kokoyyo.

Eféso 3:12

Múúni giri ke Kirísto hol liledhe-, ki mú iiy yieká, hát ke bineneny ubaa ki naan mán-, ki Waag met ki ˈdeˈdeenká hé ke uro.

Héberew 10:35

Aaléka, chirm guogint kíchia-, hí hé shiicho guđoká yé ˈdú ˈdeđichóóllá haí hâny.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Yákob 4:3

Hé hí Waag hegesetoká hí ma aargirinyallá he ˈdaa giri hí he yaalmit tagle muuninyká ki hegeseto-, hé onnônyka hí mú gaa aargiˈdoká hí taalle he fedit gónkícho ki nannasatoká.

Yákob 5:16

Aaléka, hé kíchia ˈdeđewká fayamle hol shía, tá hol Waag ki viivitíe, Waag hí bisicho. Máá Waag hát feˈdoká el gaa igiroká Waag visanle hé fargogínt ˈgayyo, hujich hai nanniyya.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.