Yuána Erká 5:11 - Fayam Midhab Yiesu Kiristoká He Hol Af Iđiny Kaanaká

¹¹ Hé Waag hí gáál ˈduuwle ká geeycheká hééllá: Waag hé muun gáál luolmit biiyoká ká shiiche. Luolmit biiyóóllá mú Inylé ke gaa aargira.

Yuána Erká 5:11 ပူးပေါင်းရင်းမြစ်များ

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Yuána 1:19

Aaléka, gál guguđo-, Yuuˈdi-, Yerusalemká gállé suoryoká ubaa gállé Leviká ˈbaal Yuána gáál ali ˈdú fie, giri gaal Yuána ka hegeset-, Kúún mááya? mú yegetká. Aalé gaal mú heeteká Yuána ˈdeenylé gáál hol ˈdú nieká kieye,

Yuána 1:4

Mu íínííllá in luolmít hí yé gáá ˈdeˈdeenne. Luolmit kinaallá he édhúm gálaat gaa verenoká.

Yuána 10:28

Hé yáálle hí luolmit biiyoká shiguo, hé ma kufuminy. Hé máá níínní hí ye af ki ririat-, hí ye gíl geer yé gaa ˈdeđisatká mán.

Yuána 12:50

Mú hemuritle hát luolmit biiyoká yé ˈdú ˈdeˈdeennoká yáá óg. In hé ˈJaachú hí ye geeyká tákámle yú hogodho, Yíésu hí gáál yie.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 19:35

Máá hééllá argeká he ˈduuwlé hogodho. Hé muí argééllá hé ˈdúwa. Máá kinaallá hé hogodhóóllá hát ˈdúwaká hé óg. Hééllá muí hogodhóóllá he giri itín úba hí iiy chegetoká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 4:36

Máá ˈguom mé ˈdaraanká hé símísle he gaa arge, ˈguom ˈdaa luolmit biiyoká ki đuorie. Hatallá in máá ˈguom fafuoká ubaa máá ˈguom mé ˈdaraanká hol ˈgar geyyime.

Yuána 4:4

Mu lés gaa nanadheká he lés Samaria.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 5:26

Íny ˈJaalle dhúrle hát fargogint gálaat luolmít ki shiguoká ˈgúóllá, in Inyle fargogint he gálaat luolmít ki shiguoká shie.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yuána 6:47

Yú hí hé ˈdúwaká geeye, máá ye iiy yieká hé luolmit biiyoká ˈguo.

Yuána 6:68

Aalé Símon Bétiro mú ˈdéé hol ˈdú nie, kieye, Máá Guđo, mááya nyí ˈdú seenne? Kúún in luolmit biiyoká ˈdeenyle ˈgayya háluke!

Róóma 5:21

Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Tímote Erká 1:16

Hééllá ˈdugaka in Yiesu Kirísto ye geer guurá argisie, giri geer gaa guchlé yáá gálaat súm ađááb ˈdú ˈgúóllá ye argisíéllá ˈdaalleka, gál hí iiy yegetká hát geer gaa guchle gaal íín úba aargisuoká gaalí ki kiimisat-, gaal luolmit biiyoká higiloká.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Yuána Erká 2:25

Kirísto hé muun gáál af iđieká he luolmit biiyóóllá.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Yuána Erká 4:9

Waag hát muun gáál gielmít argisicheká hééllá, giri kieye, Waag Inylé ali ka takachká lésallá ali ˈdu gáá kaayye, giri ke mú ˈdaalle ki ijo-, ke luolmit biiyoká ˈguoká.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána Erká 5:7

Hé gáál Yíésu ˈduuwle geđuoká seđe.

Yuána ki Seđeká 1:12

Tá ˈDemétiros íín hé gálaat lulle hí ˈduuwle hogodho. Mú ˈduuwlééllá hé Máá kúnnaa ˈDúwáállá úba hí hogodho. Nyiin úba nyáá nyí mú ˈduuwle hogoto, tá ˈdeenykínyo hát ˈdúwaká kó óg.

Yúúa 1:21

It Máá kúnnaa Guđo-, Yiesu Kirísto geer guurallé-, hí luolmit biiyoká higilsichoká met egetééllá, hát Waag hí gielká onnóo, kas kinaallá ki yíéđía.

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.