Yuána Erká 5:10 - Fayam Midhab Yiesu Kiristoká He Hol Af Iđiny Kaanaká

¹⁰ Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.

Yuána Erká 5:10 ပူးပေါင်းရင်းမြစ်များ

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 3:18

Máá Íny iiy yeetká hé Waag hí ma ˈdeđensen, tá máá Íny iiy ma yéenká hé hátle Waag hí ˈdeđenseto, ˈdaa giri mu Waag Inylé ali ka takachká iiy ma yéenká.

Yuána 3:33

Tá máá mú ˈdeenyle iiy yieká Waag ˈduuwlé gálaat argisie.

Yuána 5:38

Mú ˈdeenyle úba hé hí ger gaa mán, ˈdaa giri Máá muí ali gáá kaayká hí iiy ma chéenká.

He Ekeny Gál Alb Fimiká 8:37

[Fílib mú geey, kieye, ˈDeenyééllá har ko geer hát ˈdabaanká hileka, af kinaalka bie gim ha yú ko nannaa, yie. Aalé máá Abachaká mú ˈdéé hol ˈdú nie, kieye, Yiesu Kirísto hát he Iny Waaˈgietká yáá iiy yie, yie.]

Róóma 8:16

Hím Naasan Waaˈgiet ubaa sidhamkúnno hát múún gon ke um Waaˈgietká hé gáál geđicho.

Galátia 4:1

Hé yú hogodhóóllá he kieye, gál aˈjibaat idhaamle lulle lé-, kor hátle ma guguđánanká, gál kinaallá hát géde.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Kolosááya 3:3

Atimééllá he ˈdaa giri itín hí Kirísto hol ˈgar kuyye-, Kirísto luolmitkícho hol gaa iđite-, luolmit kíchiallá úratí Waag hol af ijoká.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Bétiro ki Naamaká 1:19

Aaléka, gál Waag hí ˈdeem ká shigicheká héllé ka veereká, ˈduuwle hé ki óg. ˈDeeny gaalí ka veere kinaallá onnônyka hát ˈdabaanká nee haí kooyyo. ˈDeeny kinaallá he hát édhúm bííy gaa ongʼoˈdeká gaa eedhesuo-, bííyle ká biˈdeka, hidh íín gerkícho súm gaa eedhesuoká.

Yuána Erká 1:10

Har ki kieye, hé ke nyuogim ubaa ađaabano ma híliny, ki yieka, af kinaalka Waago ke máá hódholléká hoy, mú ˈdeenyle hé gáál ma gaa iđiny.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Kí Edhesiny 12:17

Aalé anich đo min ˈdú idhane, kie, giri min umlé les ki ˈgite-, Waag hemuumuritle ki ˈgie-, Yíésu ˈduuwle hogodhoká ˈdú ruruanká.

Kí Edhesiny 2:17

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká mánna kaany gaa iđoká ˈbaal ha yú shigia. Wár édh-, yú meeny kaanaká ˈdug gaa veere-, meenyle máá éíy taaka hí ogká mán-, máá hí lé-, hí ˈguoká tákámle hí ógká úba ha yú shigia.

Kí Edhesiny 2:28

Mú úba hidhint biiy hí kí bibiˈdoká ha yú shigia.