Yuána Erká 5:1 - Fayam Midhab Yiesu Kiristoká He Hol Af Iđiny Kaanaká

¹ Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána Erká 5:1 ပူးပေါင်းရင်းမြစ်များ

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Lúka 7:5

Máá kinaallá hé tág é meenykúnno giel, ííni úba gáál ˈbíl ˈdiiyiminyká kí ˈdisse, gaalí mú yie.

Yuána 1:3

He met lullé Waag hí ká kuonnééllá mú ˈdaallé he ká nadhe, ki ija. Máállá muuninyka, he met lullé úr ubaa les gaa ijóóllá hé onnônyka mán.

Yuána 15:23

Máá ye nébká hé ˈJaachú úba néb.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

He Ekeny Gál Alb Fimiká 8:36

Gaal ˈgíéríchlé gaa igireká gaal ál bie hí gaa ijo mare ká nyuore. Aalé máá giri Abachaká mú geey, kieye, Bie hállá, meete ye bie gim naan ká riridhdha? yie.

He Ekeny Gál Alb Fimiká 8:37

[Fílib mú geey, kieye, ˈDeenyééllá har ko geer hát ˈdabaanká hileka, af kinaalka bie gim ha yú ko nannaa, yie. Aalé máá Abachaká mú ˈdéé hol ˈdú nie, kieye, Yiesu Kirísto hát he Iny Waaˈgietká yáá iiy yie, yie.]

Yákob 1:18

Waag hát muun gáál ki feˈdeká in ˈdeeny ˈdúwáállá gáál ˈdalmaat kaanaká gáá shiiche, giri múún he lullé muí les ká koyká ki saanollé erká yegetká.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Yuána Erká 2:10

Máá nyárle gielká hé bííy gaa édhká gaa ijo. Tá bííy gaa édh kinaallá hé níínní hí gaa ijo-, mú riigirsuoká mán.

Yuána Erká 2:29

ˈDaa giri mu íín hát ˈdúwaká hí ógká, itín úba gál hé ˈdúwaká ekemeyoká lulle hát ˈdalmaat mú yé gáá ˈdiiyyeká ˈdalidheká it óg.

Yuána Erká 3:14

ˈDaa giri muun ki gál nyaaramallá gielká, in hát ki kúfach el ki naate-, ki luolmít yé ˈdú ˈdieká ki og. Máá gál nyaaramallá ma geelnenyká hátle kúfacho he gaa ija.

Yuána Erká 3:17

Har máádhat he ˈguo-, tá nyárlé he hí ki ˈgereká geer hí shâw ma ˈdú yeenka, máá kinaallá háteeye gielmit Waaˈgiet hí gaa iđa?

Yuána Erká 3:9

Hé máá níínní ˈdalmaat Waag yé gáá ˈdiiyyeká ˈdalidhe-, kor hé ˈdeđewká gaa seseenká mán, ˈdaa giri mú luolmit Waaˈgiet hí gaa iđoká. Máá ˈdalmaat Waag yé gáá ˈdiiyyeká ˈdalidheká, hé hé ˈdeđewká gaa seseenká ma uriny.

Yuána Erká 4:2

Gaal har gál Hím Naasan Waaˈgiet ˈdéé ki hogodhoká kátaka, hát ke eiy naasatká hééllá: Ameeny máá hééllá ˈdúúw hođisat-, kieye, Yiesu Kirísto hé gon kaadhdhe, lésallá gaa ˈdalidhe, yegetká, máá kinaallá Hím Naasan Waaˈgieto he ˈdéé ki hogodho.

Yuána Erká 4:20

Har máádhat kieye, Yáá Waag giel, yeget-, kor nyárle nebítaka, máá kinaallá he máá hódholléká. Máá nyárlé il ki argoká ma geelnenyká, hé hát níínní Waag he il ma ki árginyká gielká mán.

Yuána Erká 4:7

Sheel chia yú gielallo, ˈdaa giri gielmít Waag yé gáá ˈdeˈdeenká, kí hol geelnet. Ameeny máá gielmít ˈguoká he máá ˈdalmaat Waag yé gáá ˈdiiyyééllá ˈdalidhe-, Waag ógká.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Yuána Erká 5:4

Ameeny máá ˈdalmaat Waag yé gáá ˈdiiyyeká ˈdalidheká hé lesalloká he ká aađadhdha. Hé lesalloká hé ke kí aađaatká he iiy yeen kúnnaa ke Yiesu Kirísto ka ˈgúóllá.

Yuána Erká 5:5

Mááya hé lesalloká ká aađadhdha? Máá Yíésu hát Iny Waaˈgietká iiy yeetká tákáma hé lesalloká ká aađadhdha.