Yuána Erká 4:7 - Fayam Midhab Yiesu Kiristoká He Hol Af Iđiny Kaanaká

⁷ Sheel chia yú gielallo, ˈdaa giri gielmít Waag yé gáá ˈdeˈdeenká, kí hol geelnet. Ameeny máá gielmít ˈguoká he máá ˈdalmaat Waag yé gáá ˈdiiyyééllá ˈdalidhe-, Waag ógká.

Yuána Erká 4:7 ပူးပေါင်းရင်းမြစ်များ

Yuána 13:34

Yáá hí hemurit kaanaká kí mure, hol geelnedhíe. Hát káána yú hí gielallá, itín úba hol geelnedhíe.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Korínto Erká 8:3

Tá máá Waag gielká, hé Waag hí óg.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Galátia 4:9

Aalé káána it Waag óg. Hé kinaallá a mé ˈdaatí Waag hé hí óg. Tá háteka geđi nyatalaam ˈdúúw mán-, hí ađaabanokícho ma gaa egenyallá hí bala ˈdú niiyyéel? Nyatalaaméél geđi hí gedelle chegetoká hí féˈde?

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Tímote ki Naamaká 1:7

Waag hé muun gáál hodhin siermoká ma ka shíiny. Hodhin muí gáál ka shieká, he hodhin fargogínt, ubaa gielmít, tá ˈdaalím ˈgayyoká.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Yuána Erká 2:10

Máá nyárle gielká hé bííy gaa édhká gaa ijo. Tá bííy gaa édh kinaallá hé níínní hí gaa ijo-, mú riigirsuoká mán.

Yuána Erká 2:29

ˈDaa giri mu íín hát ˈdúwaká hí ógká, itín úba gál hé ˈdúwaká ekemeyoká lulle hát ˈdalmaat mú yé gáá ˈdiiyyeká ˈdalidheká it óg.

Yuána Erká 2:3

Har ke mú hemuumuritle el gaa igiroka, af kinaalka hát ke mú ógká hé ke óg.

Yuána Erká 2:4

Máá kieye, Yáá mú óg, yeget-, kor mú hemuumuritle el ma gaa igirinyká, máá kinaallá he máá hódhollé-, ˈdeeny ˈdúwa-, Kiristóóllá hí ma gaa iđinyká.

Yuána Erká 2:7

Sheel chia yú gielallo, hemurit yú hí ˈdu gáá vereno-, hol geelnedhíe, chegetallá, hé hemurit kaanallo muuniny, he hemurit héle er hí ˈgayye-, hí maalleká.

Yuána Erká 3:9

Hé máá níínní ˈdalmaat Waag yé gáá ˈdiiyyeká ˈdalidhe-, kor hé ˈdeđewká gaa seseenká mán, ˈdaa giri mú luolmit Waaˈgiet hí gaa iđoká. Máá ˈdalmaat Waag yé gáá ˈdiiyyeká ˈdalidheká, hé hé ˈdeđewká gaa seseenká ma uriny.

Yuána Erká 4:11

Sheel chia yú gielallo, ˈdaa giri Waag gáál hatal gielká, muun úba kí hol geelnet.

Yuána Erká 4:12

Hé máá níínní kálta Waag il ki argeká mán. Tá muun har ki hol gielnítaka, Waag hé gáál gaa iđo, gielmitle muun gáál hidh ki ariyye.

Yuána Erká 4:16

Gielmit Waag hí gáál ka ˈgayyóóllá hé ke óg, úba hé ke iiy yie. Waag he gielmíti. Ameeny máá gielmitééllá ˈguo-, ki ijoká, máá kinaallá Waago gaa ija, tá íín úba hé Waag hí gaa iđo.

Yuána Erká 4:20

Har máádhat kieye, Yáá Waag giel, yeget-, kor nyárle nebítaka, máá kinaallá he máá hódholléká. Máá nyárlé il ki argoká ma geelnenyká, hé hát níínní Waag he il ma ki árginyká gielká mán.

Yuána Erká 4:8

ˈDaa giri Waag íín he gielmítiká, máá gielmít mánká hé Waag muog.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána ki Naamaká 1:5

Aaléka, minnééllo, gillo yú ko ki efe, kí hol geelnet. Hemurit yú ko ˈdu gáá veerééllá hé hemurit kaanallo muuniny, he hemurit kis ki maale-, hol geelnedhíe, chieká.