Yuána Erká 4:6 - Fayam Midhab Yiesu Kiristoká He Hol Af Iđiny Kaanaká

⁶ Múún ke um Waaˈgiet, máá Waag ógká af nee gáál kokoo. Tá máá veel Waaˈgiet muuninyká hé gáál af nee ma kokony. Hatallá in máádhat ˈdeenylé he hogodhoká har Hím Naasan Waaˈgiet ˈdúwáállá yé gáá ˈdiiyyeka, héétí har mú ˈdeenyle máá kídhích Waaˈgiet hódho lééllá yé gáá ˈdieka, in ke hol eiy gaa nannata.

Yuána Erká 4:6 ပူးပေါင်းရင်းမြစ်များ

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 10:16

Yú yáá wala éíy taaka ˈdeeyééllá gaa láká ˈguo. Wala kinaallá úba ha yú ká ˈdaanna. Wala kinaallá úba af ha ye maala. Waláállá lulle me tikiˈd haí yeedhe, máállé hí ˈdeˈdeenká tikiˈde.

Yuána 10:27

Walachú hé afchú maalo, hé yáálle hí óg, ye igiro.

Yuána 10:3

Máállá hé máá wála ˈdeeyle kárle ˈdeˈdeenká hí kar af ki fufura. Máá wála léká hé walalle hí af kiimisat, mu hé walalle meet veveen, wala hí ˈdú seseen, wála yíé ˈdeđisat.

Yuána 13:20

Yú hí hé ˈdúwaká geeye, máá yú ali gáá kaawká máá hí ˈdeenyle iiy yeetká yaa ye iiy yie, tá máá ye iiy yeetká Máá ye ali gáá kaayká he iiy yie, Yíésu hí gáál yie.

Yuána 14:17

Máá kinaallá he Hím Naasan hí ˈduuw Waaˈgiet af ki tatuoká. Gál lesalloká ˈdaa giri mú aargiroká điidhe-, ubaa mú muogká in mu gáál ma ˈdú ˈjeˈjeminy. Tá itín ˈdaa giri mu íín hí hol af iđa-, muí gaa ijoká it mú óg.

Yuána 15:26

Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 16:13

Tá Hím Naasan hí ˈduuw Waaˈgiet af ki tatiyyo kinaallá ká chimieka, he lullé ˈdúwaká af haí gáá kokoyyo. Mu hé hélle ma hogon, mu hé maaleká hai hogodho, hé geđ igiroká haí ká geđia.

Yuána 18:37

Bilááto kieye, Kuun a kinaalka, máá kansichaa! yie. Yíésu mú ˈdéé hol ˈdú nie, kieye, Yú hát kansichká kó hote. Yú ˈdaa kinaallá ˈdugaka in ˈdalidhe, lésallá ká yimie, giri ˈdúúw hogodhoká. Tá gál ˈdeeny ˈdúwaká ˈdaalle ki yaalká lulle af nee hai ye kokoo, yie.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

Yuána 8:19

Aalé gaal mú heete, kieye, ˈJaakú aake? gaalí mú yie. Yíésu gáál ˈdéé hol ˈdú nie, kieye, Ití ye muog, ˈJaachú úba it muog. Itín hí ye onnônyka, it ˈJaachú úba óg, muí gáál yie.

Yuána 8:23

Aalé Yíésu kín ˈdéé huogodhe, kieye, Itín lésallá hí le, yú íín úrro le. Itín hí gál lesallá, yú íín yáá máá lesallá muuniny.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Róóma 11:8

Hát káána Warˈgat Waaˈgiet hí hote-, kieye, Waag hé gáál rám guđoká mé ki koyye, gáál in ubaa nee riiyye, ˈjíig bár ke gaa ijóóllá đig, chieká.

Korínto Erká 14:37

Máádhat har máá Waag hí ˈdeem ká shigichoká, muuninyka, máá Hím Naasan Waaˈgiet atimle el gaa igiroká hol ká dhaˈgasanka, hí ˈdeem yú ka veerééllá hát he hemurit Máá kúnnaa Guđoká yé gáá ˈdieká hí ká dhaayo.

Korínto ki Naamaká 10:7

Itín gálaat ˈdugo hí gáá dhaˈgasanna. Hurt kíchiallá gál hol gál Kiristo ka dhaˈgasanallá hí geđi tawuo, hí hééllá met ká ˈguo, hát gaal íín he gál Kiristóóllá nyiin úba nyí gál Kiristo.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Tímote Erká 4:1

Aalé Hím Naasan Waaˈgiet hé ˈdéé hát ˈdabaanká hogoto, kieye, Bár biiy el ˈdaˈdká gáál ˈbáál iiy yeenlé Kirísto iiy yieká gil sug hai ki haađia, ˈdaa giri gaal aryaan gáál nyiimisatoká ubaa Sátan gállé ˈgassoká he onisinyle el gaa veereká.

Bétiro ki Naamaká 3:2

Hé yú hí gaa fedoká he giri itín hí ˈdeem héle Waag hí gállé taak kooteká ka shigicheká mé ka ˈgayya-, ubaa hemurit Máá kúnnaa Guđo-, Rubachietká hí ka shieká úba hí mé ka ˈgayyaká. Hemurit kinaallá itín Kirísto gállé alb fimiká hí gaa maalle.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yuána Erká 4:8

ˈDaa giri Waag íín he gielmítiká, máá gielmít mánká hé Waag muog.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Yúúa 1:17

Tá it sheel chia yú gielallo, Máá kúnnaa Guđo-, Yiesu Kirísto gállé alb fimiká ˈdeem Waag hí ká shigiche-, he ˈdiiyimeká táb ˈduoˈdodhdhíe.