Yuána Erká 4:16 - Fayam Midhab Yiesu Kiristoká He Hol Af Iđiny Kaanaká

¹⁶ Gielmit Waag hí gáál ka ˈgayyóóllá hé ke óg, úba hé ke iiy yie. Waag he gielmíti. Ameeny máá gielmitééllá ˈguo-, ki ijoká, máá kinaallá Waago gaa ija, tá íín úba hé Waag hí gaa iđo.

Yuána Erká 4:16 ပူးပေါင်းရင်းမြစ်များ

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

Yuána 9:3

Yíésu gáál geey, kieye, Máállá hatallá ka ˈdalidhééllá, hé kieye, mu íín ubaa gál hí ˈdaleká ađaabano hile muuniny. Hééllá he ˈdaa giri Waag fargogintle mú hujich gaa nanniyyo-, gálaat hí aargiroká.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Yuána Erká 3:1

ˈJaa kúnnaa Waag gielmitlé guđo-, he muun gáál gielallá, ebá dhaayyíe! Gielmitééllá ˈdaalle ˈdugaka in Waag muun gáál umle chie. Tá hé kinaallá hé ˈdúwa, muun ke um Waaˈgiet. ˈDaa giri les gálle mú moonnoyká, in úba káána gálaat muun gáál muog.

Yuána Erká 3:16

Gielmít yaalmitééllá ke eiy ki naate: He hát káána Yiesu Kirísto sídhle sillie-, gáál ˈdú kufééllá. Muun onnônyka sidhamkúnno úba gál nyaaramallá ke ˈdú silmia.

Yuána Erká 3:24

Ameeny máá hemuumurit Waaˈgiet met gaa kekeenká, hé Waag gaa ijo, tá íín úba hé Waag hí gaa iđo. Waag hát muun gáál gaa iđo-, ki ógká hééllá: Mu Hím Naasanlé gáál ká shíéllá ke ki og.

Yuána Erká 4:7

Sheel chia yú gielallo, ˈdaa giri gielmít Waag yé gáá ˈdeˈdeenká, kí hol geelnet. Ameeny máá gielmít ˈguoká he máá ˈdalmaat Waag yé gáá ˈdiiyyééllá ˈdalidhe-, Waag ógká.