Yuána Erká 4:1 - Fayam Midhab Yiesu Kiristoká He Hol Af Iđiny Kaanaká

¹ Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.

Yuána Erká 4:1 ပူးပေါင်းရင်းမြစ်များ

Márko 13:21

Aaléka, af kinaallá máádhat hí geey-, kieye, Ebá dhaayyíe, Kirísto hállá! muuninyka, Mu hártá! hí yieka, haí mú af iiy chéen.

Lúka 12:57

Háteka itín dhúrkícho hé midhabká ubaa hé ˈdeđewká hí hol eiy ma gaa nanninyal?

Lúka 21:8

Yíésu kieye, Hol ˈdeeˈdemíe, ha gaalí nyimísan. Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Héétí muuninyka, Ram hé hol kí beeyye, hai yeedhe. Tá itín haí gáál el gaa véériny.

He Ekeny Gál Alb Fimiká 17:11

Gál ˈjien Berya hé gál ˈjien Dhesalonike ˈdú ˈdúwa, ˈdaa giri gaal ˈdeeny Báulo hí oonisieká hát he gaa feditiká nee kokoyká. Gaal bar lullé ˈdeeny Báulo hí ˈdiyimeká Warˈgat Waaˈgiet gaa dhaˈgame, ˈdéé eiy nanate, har Báulo ˈdeeny he hogodhe kinaal ˈdúúw kátaka.

He Ekeny Gál Alb Fimiká 20:29

Yáá óg, yú kieka, đanyar hurt haí ká higila, hé hí ma biisiny.

Korínto Erká 12:10

Hím Naasan Waaˈgietallá mááká fargogint hé ki af ˈdaˈdaboká ki ekemeyoká shigicha, mááká ˈdéé hót Waag gáá chimieká ˈdiiyiminyle shigicha, mááká hé Waag gáá yimieká ubaa hé aryáán gáá yimieká hol eiy gaa naasanle onyle shigicha, mááká afano éíy taaka-, Hím Naasan Waaˈgiet yé gáá ˈdeˈdeenká huogonle shigicha, héétí mááká af éíy taaka kinaal maalitle shigicha, giri muí gálaat eiy ki nannuoká.

Korínto Erká 14:29

Gál Waag hí ˈdeem ka shigichoká, naam yíekaʼ, seđ yíekaʼ, hí ˈdeem kinaal ˈdiiyeen, tá gálatí hí ˈdeem kinaal ˈduuwle eiy naanasat.

Dhesaloníke Erká 5:20

ˈDeem Waag hí gálaat ká shigichoká haí egeshêny,

Dhesaloníke Erká 5:21

tá he met lulle eiy naanatíe. Hé ˈdúwaká hát ˈdabaanká chiˈdíe,

Dhesaloníke ki Naamaká 2:2

ˈdéé hót kerka Waag yé gáá ˈdiiyyeká yíekaʼ, ˈdéé hót máá mákártaká yé gáá ˈdiiyyeká yíekaʼ, héétí warˈgat kerka nyiin nyí ka veeˈde-, kieye, Máá kúnnaa Guđoká kúlíchlé he hol gáá naatká kisso he ali kí ˈdiiyye, úba chegetoká haí mé guđanâny, hí sierm gaa véériny.

Tímote Erká 4:1

Aalé Hím Naasan Waaˈgiet hé ˈdéé hát ˈdabaanká hogoto, kieye, Bár biiy el ˈdaˈdká gáál ˈbáál iiy yeenlé Kirísto iiy yieká gil sug hai ki haađia, ˈdaa giri gaal aryaan gáál nyiimisatoká ubaa Sátan gállé ˈgassoká he onisinyle el gaa veereká.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Bétiro ki Naamaká 2:1

Kíssóótíka, lés Yisirayel hé gál hođomlé-, hol gál Waag hí ˈdeem ka shigicheká ka hođieká hé gálaat hursam gaa ije. Hát tikiˈdééllá itín úba gál hé hođomká gálaat oonisuoká hursam yiem haí gáá ˈdeeme. Gaal hát điđamoká gál hí el gaa igiroká hé hođom-, gáál ˈdeđeneyoká hai oonisia. Gaal úba Máállé Guđo hí sídhle ˈdú sillie-, Kirísto lééllá hai điidhma. Hééllá ˈdaalle ˈdugaka, gaal hé ˈdeew-, il hí aargiˈdoká ál ˈjob hollo hol ˈdú egee, hai gaa bebee.

Yuána Erká 2:18

It đalbááyáállo, les el met ˈdaˈdle hé ká ˈjobonte. It máá Kirísto ka kidhichká hát ka ˈjeˈjeenká maalle. Tá káána ke gaa ijóóllá gál burnay-, Kirísto ka kídhká hé úba biiy ká hile. Hééllá ˈdaalleka in les el met ˈdaˈdle hát he ka ˈjobonteká ke og.

Yuána Erká 2:7

Sheel chia yú gielallo, hemurit yú hí ˈdu gáá vereno-, hol geelnedhíe, chegetallá, hé hemurit kaanallo muuniny, he hemurit héle er hí ˈgayye-, hí maalleká.

Yuána ki Naamaká 1:7

Yú hí hatallá geđúóllá he ˈdaa giri gál burnay-, gálaat baađisuo-, Yiesu Kirísto hát gon kaadhdhe-, ka ˈdalidheká iiy ma yegenká les gaa seseenká. Gál hatallóóllá máálle he máá gálaat baađisuo-, Kirísto ka kidhichká.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.

Kí Edhesiny 2:2

Húgúmkícho ubaa símískícho, tá mé ki chirsankícho yáá óg. Héétí gál hé ˈdeđewká gaa sesemeká hát hí gáál héllé ˈdeđew kinaal mé ma yuyûnyká yáá óg. Gál gál alb fimiká hol ká hoy-, kor gál alb fimi-, muuniny kinaal, hát hí eiy naasate-, hí hođomle ka edhesicheká úba yáá óg.