Yuána Erká 3:9 - Fayam Midhab Yiesu Kiristoká He Hol Af Iđiny Kaanaká

⁹ Hé máá níínní ˈdalmaat Waag yé gáá ˈdiiyyeká ˈdalidhe-, kor hé ˈdeđewká gaa seseenká mán, ˈdaa giri mú luolmit Waaˈgiet hí gaa iđoká. Máá ˈdalmaat Waag yé gáá ˈdiiyyeká ˈdalidheká, hé hé ˈdeđewká gaa seseenká ma uriny.

Yuána Erká 3:9 ပူးပေါင်းရင်းမြစ်များ

Matááyo 7:18

Hát tikiˈdééllá ˈgór midhabká hé saano ˈdeewká hí ma gáá higisiny. Héétí ˈgór ˈdeewká hé saano midhabká hí ma gáá higisiny.

Yuána 1:13

Gál mú iiy yíéllá ˈdalmaat káána-, he kí ˈdalidhééllá hé ˈdalmaat aađa-, fás gonniet-, gálaat hí hol kí hođuoká muuniny, hééllá he ˈdalmaat Waag yé gáá ˈdiiyyeká.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

He Ekeny Gál Alb Fimiká 4:20

Tá nyiin gon hé nyí argiyyeká ubaa hé nyí maalleká nyáá nyí ma haađiny, ha nyí ˈdiyeenne, gaalí gáál yie.

Róóma 6:2

Hé kinaal Waag hí điito! Múúni ki ađaabano gim yé gáá ˈdíéllá, háteeye geđi ki ađaabano hátle gim gaa ija?

Galátia 5:17

Balt goniet gaa nyakaridhééllá hé hé Hím Naasan Waaˈgiet hí feˈdoká muuniny. Hím Naasan Waaˈgiet héllé feˈdoká ubaa balt goniet gaa nyakaridheká héllé feˈdoká hol ká eiyye. Hím Naasan Waaˈgiet ubaa balt goniet gaa nyakaridheká íín hol oosó. Yaalmit kinaallá in álká hé midhab onnônyka itín hí feˈdo-, hí ekemeychoká hí ma ekemeny.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Bétiro Erká 1:23

Itín it geđi ká ˈdalaate. Luolmit kíchia káána hí ˈgayyáállá ˈdaa ˈdeeny Waaˈgiet bííyyo-, luolmít ˈgúóllá hí ki argiyye. Luolmit kíchiallá taalle luolmit biiyo, hé hát luolmit gálaat el met hí ˈgiˈgidhóóllá muuniny.

Yuána Erká 2:29

ˈDaa giri mu íín hát ˈdúwaká hí ógká, itín úba gál hé ˈdúwaká ekemeyoká lulle hát ˈdalmaat mú yé gáá ˈdiiyyeká ˈdalidheká it óg.

Yuána Erká 3:6

Ameeny máá mú gaa ijoká, hé hé ˈdeđewká ma gaa seseminy. Tá ameeny máá hé ˈdeđewká gaa seseenká hé mú ma árginy, héétí hé mú muog.

Yuána Erká 4:7

Sheel chia yú gielallo, ˈdaa giri gielmít Waag yé gáá ˈdeˈdeenká, kí hol geelnet. Ameeny máá gielmít ˈguoká he máá ˈdalmaat Waag yé gáá ˈdiiyyééllá ˈdalidhe-, Waag ógká.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Yuána Erká 5:4

Ameeny máá ˈdalmaat Waag yé gáá ˈdiiyyeká ˈdalidheká hé lesalloká he ká aađadhdha. Hé lesalloká hé ke kí aađaatká he iiy yeen kúnnaa ke Yiesu Kirísto ka ˈgúóllá.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.