Yuána Erká 3:8 - Fayam Midhab Yiesu Kiristoká He Hol Af Iđiny Kaanaká

⁸ Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Yuána Erká 3:8 ပူးပေါင်းရင်းမြစ်များ

Matááyo 12:28

Tá yú har Hím Naasan Waaˈgiet aryáán yiem ki ˈdeđuoka, af kinaalka Guch Waaˈgiet hé hí hurt ká hille.

Matááyo 13:38

Les ˈguom hí gáá igitoká íín he lés ke ˈdú ijóóllá. Ár midhabká íín he gál Guch Waaˈgiet léká. Iish íín he kídhích kúnnaa Sátan gállé.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Márko 1:24

Yíésu Nasaretallo, meete ke hol ká ˈgaa? Ha ká chimie, nyí af ki beđisata? Kúún yáá ko óg, kúún he Máá saas mán-, Waaˈgietká! yie.

Lúka 10:18

Mu gáál ˈdéé hol ˈdú nie, kieye, Sátan hát ír birgianáka úr gáá ˈjiiyye-, les ˈdaraanneká yáá arge.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 16:11

Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Kolosááya 2:15

Kirísto hé kansimano lullé aryaanká hemuumurít gaa eey, gáál gálaat metle kern gaa ˈgidhie. Mu ˈdaa giri ˈgór đarám yaalká ˈdú kufekáka, mu hé kansimanóóllá a mé kí ˈjie.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Héberew 9:26

Kirísto hát gál méte suoryóótíá onnônyka, af kinaalka biiy mé gáá koonle tá ˈjíig káána đigallá af burnayká he ki maanyjay, ki kufume. Aalé káána-, biiy el ˈdaalka mu ká yimie, hol a tikiˈd suor ki hoy, giri gálaat ađaabano ubaa nyuogim gaa egewká.

Bétiro ki Naamaká 2:4

Kíssóótíka, Waag hé gállé urru-, ˈgasso-, hí el af gaa tammeká ma hâny, hé gáál ál gaa dhát-, gaa ˈdér-, kúlích ˈdéé ki iđinyká hátlé ali ma kí ˈdíinyká gálaat hí ki maanyjawká ki hiigite.

Yuána Erká 1:2

Máá gáál luolmít shigúóllá hé Waag hí nyí yé ˈdu gáá ˈdeeyche, nyáá nyí mú argiyye. In aalé mu íín hát luolmit biiyo-, ˈJaa kúnnaa Waag hol af ije-, ˈJaa kúnnaa kinaal hí nyí yé ˈdu gáá ˈdeeyká ke hí ˈduuwle geđia, ke hí ki ˈdiyime.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Yúúa 1:6

Hééllá onnônyka úba mé hí ká ˈgayya, hát gál ˈgasso-, Waaˈgiet-, urru-, giri állé hemuumuriti-, Waag hí gaa iđicheká ma gaa yíéđîny-, égetlé kinaal gíl sug ki hayká. Tá gaal íínííllá ˈdaab Kúlích Guđo-, Waag hí gálaat ˈdéé ki iđimichoká ali ma kí ˈdíinyká, hé Waag hí bííy gaa ongʼoˈdeká ki chirate, hí nyarugano biiyoká ki ˈdanne.

Kí Edhesiny 20:10

Aalé Sátan gáál nyimisatééllá Waag hí bás ˈjiete-, waar ˈjiet hí gaa boloonká hí gaa ijo-, álle bíních giri kach ˈguoká ubaa bíních máá Waag hí ˈdeem ka shigicheká hol ka hoyká hí gaa ijoká ki layye. Aalé gaal kulich ubaa chúúrélle taalle bííyyo hai maanyjaa.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.