Yuána Erká 3:4 - Fayam Midhab Yiesu Kiristoká He Hol Af Iđiny Kaanaká

⁴ Ameeny máá hé ˈdeđewká ekemeyoká úba hemuumurit Waaˈgieto he ˈdeđeneye. Hé ˈdeđewká eekemeny, he hemuumurit Waaˈgiet ˈdeeneny.

Yuána Erká 3:4 ပူးပေါင်းရင်းမြစ်များ

Matááyo 5:19

Aaléka, máá hemuumuritééllá hemuritlé ninniká tikiˈd gaa ˈdeeneyo-, tá gálaat yaalmit kinaal ki oonisuoká, máá kinaallá Guch Waaˈgietka, máá biiy el ˈdaˈdká ha gaalí gaa yeedhe. Tá máá hemuumurít lulle tág chirat-, yaalmit kinaal gálaat oonisuoká, máá kinaallá Guch Waaˈgietka, máá guđoká ha gaali gaa yeedhe.

He Ekeny Gál Alb Fimiká 23:3

Aalé Báulo mú geey, kieye, Kó hol sasallóol! Waag hai ko ˈdaraanna. Kúún in káána ˈdeeny máre hemuriti ál kinaal ki iđa, ye ki iđimicha? Hemurít in el af gaa taanne, Mú af gíl gaa ˈdóo, cheedhe háluke!

Róóma 3:20

Aaléka, hé máá níínní innum Waaˈgietka hemuumurít ki yaalitle ˈdaalleka Waag hí máá ˈdúwaká chegetoká mán. Hemuumurít gálaato hát saas ˈguoká he gáál ká aargisicha.

Róóma 4:15

Hemuumurít ˈdeeneny in máádhat idho Waaˈgiet ubaa he il ká argisinyle gim gaa iđimicha. Tá hemuumurít mannânyka, af kinaalka biiy hé hemuumurít ˈdeeneny mán.

Korínto ki Naamaká 12:21

Geer chia ye gaa ˈdeewká he giri geđi yú ká yimieka, kálmaréél ˈdaakíchoka Waag kern ha ye ˈgiidhicha, geer súm đo hai ye gaa ˈdeenedhe, ˈdaa giri it burnayyeká hí ađaabano kíchia kissoká hí ma hâny-, hí Waag makan ma fáminyká. It hé kíchia gaa nyakarichká, ubaa herginy hol buraaká, tá hé kern mantiká hátle ma hâny.

Yákob 5:15

Gáál Waag visanlé iiy yeen ˈgayyoká máá kúllaká hai rianna. Máá Guđoká máá kúllaká les hai gaa egee, har mu he ađááb hileka, mú ađááb hai gaa egee.

Yuána Erká 5:17

He ˈdeđew-, ki ekemeyoká lulle he ađááb, tá biiy hé ađaabano gálaat kúfach mé ma ki kokonyká hí gaa ijo.