Yuána Erká 3:23 - Fayam Midhab Yiesu Kiristoká He Hol Af Iđiny Kaanaká

²³ Aalé Waag hemuritle hééllá, giri ki mú Inylé Yiesu Kirísto iiy yegetká, héétí hát giri muí gáál kí mure-, hol geelnedhíe, muí yieká ki hol geelnetká.

Yuána Erká 3:23 ပူးပေါင်းရင်းမြစ်များ

Matááyo 22:39

Hemurit ki naamaká ubaa hemurit erkoballá he hol ˈgas ki see. Hemurit ki naamáállá kieye, Máá olkú hát kúún dhúrkú hol gielallá úba géélnebo, he chie.

Márko 9:7

Aalé nyáˈdow yé ká ˈdiiyye, gáál buanne, Waag nyáˈdow ˈdéé gáá hote, kieye, Hééllá he Iny chia yú gielká, mú af nee kóo! Waag hí chie.

Yuána 1:12

Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

Yuána 13:34

Yáá hí hemurit kaanaká kí mure, hol geelnedhíe. Hát káána yú hí gielallá, itín úba hol geelnedhíe.

Yuána 14:1

Aalé Yíésu lalille geey, Ha ger hí gaa ˈdéénen. Waag iiy yiedhíe, yú úba ye iiy yiedhíe.

Yuána 15:12

Hemuritchú hééllá: Hát yú hí gielallá itín úba hol geelnedhíe.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 2:23

Aalé Yíésu hátlé Yerúsalem álle ˈjila gaa ijeká, gál burnayká hé ke af ˈdaˈdabo-, muí eekemeyká argeká mú iiy yie.

Yuána 3:18

Máá Íny iiy yeetká hé Waag hí ma ˈdeđensen, tá máá Íny iiy ma yéenká hé hátle Waag hí ˈdeđenseto, ˈdaa giri mu Waag Inylé ali ka takachká iiy ma yéenká.

Yuána 6:29

Yíésu gáál ˈdéé hol ˈdú nie, kieye, Hújích Waag hí gaa feˈdoká hééllá: Máá Waag hí ali gáá kaayyééllá iiy yiedhíe, muí gáál yie.

He Ekeny Gál Alb Fimiká 16:31

Gaal mú ˈdéé hol ˈdú nie, kieye, Máá Guđo Yíésu iiy áat, rubach ha aargiˈda, ˈbíl geerkú úba rubach hai aargira, gaalí mú yie.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Dhesaloníke Erká 4:9

Aaléka, gielmit gál Kiristo hí hol ká ˈguoká ˈdaalleka, hé níínní hí muog-, yú hí ˈdú gáá verenoká mán, ˈdaa giri itín dhúrkícho yaalmit hí hol ki gegelneteká Waag hí onisicheká.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 4:8

Hé súm ˈdúwaká hééllá: Hát ˈdabaanká hol geelnedhíe. Hééllá he ˈdaa giri gielmít hé burnay-, ˈdeđewká gíl sug ki haađichoká.

Yuána Erká 2:7

Sheel chia yú gielallo, hemurit yú hí ˈdu gáá vereno-, hol geelnedhíe, chegetallá, hé hemurit kaanallo muuniny, he hemurit héle er hí ˈgayye-, hí maalleká.

Yuána Erká 3:11

Atim héle af giri Fayam Midhaballá erkob hí maalleká hí ˈgayyeká kieye, kí hol geelneto, he chie.

Yuána Erká 4:15

Ameeny máá Yíésu hát Iny Waaˈgietká ˈdúúw hođisatká, máá kinaallá íín Waago hí gaa iđa, íín úba Waago he gaa ija.

Yuána Erká 4:21

Aalé Waag hé gáál hemuritééllá ká shiiche, hemurit kieye, máá Waag gielká hí nyárle úba geelnew, chieká.

Yuána Erká 5:13

It hí Iny Waaˈgiet iiy chíéllá in yú hí hééllá ˈdu gáá veere, giri hát hí luolmit biiyoká ˈgayyoká hí ógká.