Yuána Erká 3:20 - Fayam Midhab Yiesu Kiristoká He Hol Af Iđiny Kaanaká

²⁰ Muun har úba ke geer ˈdéént ˈguoka, Waag geer guuralle ííni geer ˈdeentkúnno ˈdú guđo, he lulle og.

Yuána Erká 3:20 ပူးပေါင်းရင်းမြစ်များ

Yuána 21:17

Yíésu gíl ki seđeká geđi mú yiete, kieye, Símon, iny Yuana, kuun kín kó ye giel? yie. Bétiro ˈdaa giri Yíésu hí a seđ ki yiete-, Kó ye giel? muí yieká, đo geer hí gaa ˈdeenedhe, kieye, Máá Guđo, kuun kó he lulle óg, hát yú ko gielká kó óg, yie. Yíésu kieye, Walachú ˈdeeˈdémo, mú yie.

Yuána 8:9

Aalé gál min ka ˈgiliˈgayká héél maaleká hát taataká eiy yíé ˈdeeˈdeme, karu erkob yíé ˈdie, ˈjíig gaal lulle el gaa ˈgidhe. Yíésu ubaa min tákámle nyesebich hurt kí ˈgite.

He Ekeny Gál Alb Fimiká 5:33

Aalé gaal ˈdeenyéél maaleká súm idhane, gáál yegieská fede.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Korínto Erká 4:4

Yú yáá hé níínní ˈdeeney-, hol ki ógká mán, tá hé kinaal hé kieye, yáá ˈdeensen mán ma yegen. Máá ye ˈdéé eiy kí nannuoká he Máá kúnnaa Guđoká.

Títo 3:11

Máá hatallóóllá hát kas hí ˈdeenete-, ađaable hí he il ká aargisichoká, kó óg.

Héberew 4:13

He met lullé Waag hí ka kuonnééllá hé níínní Waag metleka kaany gaa ijoká mán. Waag hé he lulle argiyyo, innumleka he met lulle hé gaa édhká tákáma. Mu íínííllá he Máá ke hékúnno met gaa hogodhoká.

Héberew 6:13

Waag ˈdaa giri máá níínní hí ˈdú guđanay-, ˈdoˈdoote-, mánká, in af giri Abirááyam he af iđicheká hol ˈdoote,

Yuána Erká 3:19

Muun ke hát kinaallá ˈdieka, in hát muun ke ˈdeeny ˈdúwa-, Kiristóóllá gálléká ke hol og, Waag metle hé ki geer ˈdéént mán.

Yuána Erká 3:21

Sheel chia yú gielallo, har ke hol óíyta-, ke ˈgíérích ˈdúwa-, Waag hí feˈdoká el gaa igiroka, af kinaalka Waag metle hé ke sierm gaa mán.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.