Yuána Erká 3:2 - Fayam Midhab Yiesu Kiristoká He Hol Af Iđiny Kaanaká

² Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Yuána Erká 3:2 ပူးပေါင်းရင်းမြစ်များ

Matááyo 5:8

Gál hé ˈdeđewká ger ma ki sisin-, kasle Waag gaa iđieká hé Waag hí ˈdú ˈjeˈjeenno, gaal Waag hai aargira.

Lúka 17:30

Kúlích Iny Máádhat hí gáá ˈjeen-, hí gálaat hol gaa aargisuoká úba hát bár Nowa ubaa Loot kinaallá hai cheedhe.

Lúka 20:36

ubaa hé geđi ma kufuminy. Gaal hát Waag gállé ˈgasso-, urruká hai yeedhe. ˈDaa giri Waag gáál sidham hol ˈdú niiyye-, gáál uushim yiem gáá ˈdeeycheká gaal he um Waaˈgiet.

Yuána 1:12

Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

Yuána 11:52

tá gál Yuuˈdi tákámle ma ˈdú kufuminy-, um Waaˈgiet les lulle eiy bash ki yieká úba ˈdú kufunan-, gáál hol ˈdu gáá shuguno-, gáál tikiˈd hođuoká, ta muí hélle huogodhe.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Róóma 8:16

Hím Naasan Waaˈgiet ubaa sidhamkúnno hát múún gon ke um Waaˈgietká hé gáál geđicho.

Róóma 8:18

ˈDuuw bár ˈdaatika Waag hí gáál ka shigichóótíá hé manyjany ke lésallá gaa maanyjawallá ke hol ma ki ekemeny. Manyjanyééllá hát hé káta mánká yú ká dhaˈgama.

Róóma 8:19

He lullé Waag hí ka kuonnééllá bár ka chiimeto-, Waag umle ˈduuwasichoká ali kí ˈdeˈdeenká hé tág fedo, met egeso.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Korínto Erká 13:12

Hé káána ki argóóllá, he hát síbíl gaa boorochká ke he ki dhaˈgasan, tá bár ka chimetóótíá he lulle hát ˈdabaanká il ha ke ki aargira. Hé yú káána ógallá yáá tagano muog, tá bár ka chimetóótíá hát tikiˈde Waag ye alúl ógallá, hé kinaallá hát ˈdabaanká eiy ha yú naata.

Korínto Erká 15:49

Hát yaalmit máá Waag hí eeˈd tág gaa niiyyééllá yaalmitle káána ke ˈgúóllá, in aadh ˈdaatika, Máá úr gáá yimíéllá yaalmitle ke kaadhdha.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Korínto ki Naamaká 3:18

Múúni lulkúnno ke Kirísto iiy yie-, kaskúnno đafar hí gaa ˈjiiyyééllá, Máá kúnnaa Guđóóllá guchlé ka edhdheyyééllá hé ke il ki aargiro, in aaléka muun gáál taalle hol gaa lalaanna, giri húgúmkúnno mú húgúmle hođichoká. Hol gaa lany kúnnaallá Máá kúnnaa Guđoká Hím Naasanlé he yé gáá ˈdeˈdeenne.

Korínto ki Naamaká 4:17

He il ká argisiny kínyaa nigini-, káána nyí gaa iđáállá in ˈduuw guđo-, biiyo-, tawuny lulle af mé gíriká nyí yé ˈdú ˈdeđicha. ˈDuuw kinaallá hé il ká argisiny-, hé káta-, mánnallá hol ma nyuoriny.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Filíbi 3:21

Mu ííni gón kúnnaa les higillóóllá hol gaa laama, giri gónkúnno hát mú gónlé ˈdúúw ˈgayyoká chegetoká. Fargogint muí hééllá ki ekemeyoká he fargogint tikiˈde muí he met lulle gim kí fafaat-, muí he gaa mumuroká.

Kolosááya 3:4

Af giri rúbách kíchia Kirísto hol ká nannaat-, ˈduuwle ká eedheyyoká in itín úba hí luolmit kíchia biiyóóllá ˈduuwle higilla.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro ki Naamaká 1:4

Mú ˈduuwle ubaa midhantlé kinaal ˈdaalleka, mu hé he af iđinylé ˈdúwa-, kamuryoká hélle muun gáál ká shie. Hé muí gáál ka shíéllá ˈdaalleka, it hí he fedit lesallo-, gáál ˈdeđeneychóóllá yíé gáá ˈdiiyye, Waag hé gerkícho gaa iđo.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.

Yuána Erká 2:7

Sheel chia yú gielallo, hemurit yú hí ˈdu gáá vereno-, hol geelnedhíe, chegetallá, hé hemurit kaanallo muuniny, he hemurit héle er hí ˈgayye-, hí maalleká.

Yuána Erká 3:1

ˈJaa kúnnaa Waag gielmitlé guđo-, he muun gáál gielallá, ebá dhaayyíe! Gielmitééllá ˈdaalle ˈdugaka in Waag muun gáál umle chie. Tá hé kinaallá hé ˈdúwa, muun ke um Waaˈgiet. ˈDaa giri les gálle mú moonnoyká, in úba káána gálaat muun gáál muog.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:21

Sheel chia yú gielallo, har ke hol óíyta-, ke ˈgíérích ˈdúwa-, Waag hí feˈdoká el gaa igiroka, af kinaalka Waag metle hé ke sierm gaa mán.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Kí Edhesiny 2:28

Mú úba hidhint biiy hí kí bibiˈdoká ha yú shigia.

Kí Edhesiny 22:4

Mú gede lééllá mú innumle hai aargira, tá mú meenyle gáál met bala he ki ˈgee.