Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yuána Erká 3:16 - Fayam Midhab Yiesu Kiristoká He Hol Af Iđiny Kaanaká

16 Gielmít yaalmitééllá ke eiy ki naate: He hát káána Yiesu Kirísto sídhle sillie-, gáál ˈdú kufééllá. Muun onnônyka sidhamkúnno úba gál nyaaramallá ke ˈdú silmia.

အခန်းကိုကြည့်ပါ။ ကော်ပီ




Yuána Erká 3:16
24 ပူးပေါင်းရင်းမြစ်များ  

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.


Yú he Máá ˈdúwa-, wála ˈdeˈdeenká. Máá ˈdúwa-, wála ˈdeˈdeenká sídhlé he wála ˈdú silmia.


hát káána ˈJaachú ye óg-, yú úba ˈJaachú ógallá. Sídhchú wála ha yú ˈdú silmia.


Yáá hí hemurit kaanaká kí mure, hol geelnedhíe. Hát káána yú hí gielallá, itín úba hol geelnedhíe.


ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.


Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.


Gálallá he gál sidhamle ˈdaachúka sillieká. Yáá tákámchú gáál gielmít hol ma ˈdú nanniny, gál Kiristo kidhdhoká lulle úba hé gáál gielmít hol ˈdú nannuo.


Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.


Aaléka, kúfách nyí igiróóllá in itín hí luolmit biiyoká gaa argiyye.


Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.


Gál yaab, hát káána Kirísto gálle giel-, sídhle gáál ˈdú sillíéllá, itín úba hát tikiˈdééllá ˈdeg kícho geelnedhíe.


Hújích yú nie-, yú hí Fayam Midhaballá ˈdú gáá sidhe-, fayám hí iiy chíéllá, hé kinaallá he hé shiicho muun ki Waag shieká. Har káána úba gaal ye yies-, fáschú úba hé shiicho kinaallá hollo hol ˈdú faama, yú ubaa itín ger ˈgarro gáál hol ˈgar meedhe.


ˈdaa giri mu nyíf onnônyka hújích Kiristo ˈdú kufumeká. Mu hé sídhle sillie, hé ye ki ˈgeeˈgerney-, onnônyka itín hí ye ma kí chííranká ye kí chiˈde.


ˈDaa giri ke hí gielká, in ke hí Fayam Midhab Waaˈgietallá tákámle ma ki ˈdiyíminy, ke hí úba hol ˈdú sillie. Hééllá he ˈdaa giri itín hí gál nyí súm gielká chieká.


Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.


Hé Waag hí ˈdú gute-, giri iđiny ˈdúúw mán-, eshim eshimkícho hí af kí hayallá hí gáá eete-, hí gálle hosoteká it óg. Hé muí ˈdú gusseká hé bíre ubaa hórkí bár ˈdaatika el met hí ˈgiˈgidhóóllá muuniny.


Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.


Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.


Máá kieye, Yáá mú gaa ijo, yegetká, húgúm Yíésu hí ki ijeká, úba hí ki yíéđuo.


Máá kieye, yú bííy gaa édhká gaa ija, yeget-, kor nyárle nébká, máá kinaallá hátle bííy gaa ongʼoˈdeká he gaa ija.


Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ