Yuána Erká 3:15 - Fayam Midhab Yiesu Kiristoká He Hol Af Iđiny Kaanaká

¹⁵ Máá nyárle nébká, he hát máá nyárle yies. Tá hát máá níínní gálaat yeges-, nyuogich ˈguo-, kor luolmit biiyoká hí gaa iđo-, mánká, it óg.

Yuána Erká 3:15 ပူးပေါင်းရင်းမြစ်များ

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

He Ekeny Gál Alb Fimiká 23:14

Gaal gál guguđo-, suoryoká ubaa karu ˈdeemoká ˈdú sedhe, kieye, Nyíín nyáá nyí hol he mé ki hote, ˈdaab nyí Báulo ma chíésinyká nyáá nyí hé níínní af đig cheetoká mán.

Yákob 1:15

He feditééllá in seenne, he ekeny ˈdeewká ˈdaalla. Tá he ekeny ˈdeewká máádhat ˈgaaˈgaateka, đo kúfach hai ˈdalle.

He Ekeny Gál Alb Fimiká 23:12

Bííy geđo ka biˈdeká gál Yuuˈdi giri Báulo nebeneyká sul nie, hol ˈdéé mé ki hodhe, kieye, ˈDaab ke Báulo ma yíésinyká hé ke ˈguom ma kokony ubaa ke he ma igiminy, hol yie.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Márko 6:19

Heróˈdias Yuána súm nebete, kerka mú chegeská he feˈde, hé kinaal hí ká adhdhe.

Matááyo 5:28

Tá yú íín hí geeye, máá min eiy hí il hergisato-, min baltle ˈguoká, gon hát máá minle ˈdú buraay.

Bétiro Erká 1:23

Itín it geđi ká ˈdalaate. Luolmit kíchia káána hí ˈgayyáállá ˈdaa ˈdeeny Waaˈgiet bííyyo-, luolmít ˈgúóllá hí ki argiyye. Luolmit kíchiallá taalle luolmit biiyo, hé hát luolmit gálaat el met hí ˈgiˈgidhóóllá muuniny.

Yuána Erká 2:9

Máá kieye, yú bííy gaa édhká gaa ija, yeget-, kor nyárle nébká, máá kinaallá hátle bííy gaa ongʼoˈdeká he gaa ija.

Yuána Erká 2:11

Tá máá nyárle nébká bííy gaa ongʼoˈdeká he gaa ija, gaa seseme. ˈDaa giri mú bííy gaa ongʼoˈdeká hí in riiyyeká, mu hé mé ˈdaa he ki seseenká muog.