Yuána Erká 3:12 - Fayam Midhab Yiesu Kiristoká He Hol Af Iđiny Kaanaká

¹² Ha ke hát máá Satan Káyinlé-, nyárle yieská yéen. Tá mu íín háteka nyárle yiesal? Mu nyárle yiesallá he ˈdaa giri mu íín he eekemenyle ˈdeew-, mú nyárle íín he eekemenyle ˈdúwaká.

Yuána Erká 3:12 ပူးပေါင်းရင်းမြစ်များ

Matááyo 13:19

Máá Guch Waaˈgiet fayamle maalo-, kor ˈdéé eiy ma náásan-, ˈdeeny giri he geer ka ˈguoká Sátan hí af ki ririatká, hé kinaallá he hát ár ˈgierich af ki okoˈde-, hurum hí koeyká.

Matááyo 13:38

Les ˈguom hí gáá igitoká íín he lés ke ˈdú ijóóllá. Ár midhabká íín he gál Guch Waaˈgiet léká. Iish íín he kídhích kúnnaa Sátan gállé.

Matááyo 23:35

Aaléka, gál lúl ˈduuˈdúwa-, fásle héle gaalí okodieká, gál hí yies kinaallá nyuogimle itíni hí ˈgayya. Hé kinaallá ameeny kúfách Abel máálle hé konf ka ˈgieká mán-, Káyin hí yieská, tá ˈjíig kúfách Sakaria giri iny Barakia-, gaalí ˈBíl Waaˈgiet ubaa kúb suoryoká toom ki yieská đig.

Matááyo 27:23

Bilááto gáál heete, kieye, Háteka? Mu meete ˈdeew he ekey? yie. Gaal đo súm kúóˈd ˈdoy, kieye, Mú gaalí ˈgór đarám yaalká ˈdug ˈdú yees! gaalí yie.

Matááyo 5:37

Tá har hí iiy-hí chieka, đo ˈduwayyíe. Har hí híʼi chieka, đo ˈduwayyíe. He ˈdoon hayyíe, he ˈdoon máá súm ˈdeew-, Sátan léká he yé gáá ˈdeˈdeenne.

Lúka 11:51

Yú hí geeye, ameeny fás Abel hí gaa okoˈde-, tá ˈjíig bár giri fás Sakaria hí gaa okoˈde-, máálle gaalí kúb Waaˈgiet suoryoká ubaa ˈbíl saas mánká toom ki yieská đigká, fasam gal kinaalloká nyuogimle lulle gál barallóóllá Waag luut haí ki ređicha.

Yuána 10:32

Aalé Yíésu gáál geey, kieye, Yáá hé hí af ˈdaˈdabiyye-, burnay-, midhab-, ˈJaachú yé gáá ˈdeˈdemeká hí ká aargisie. Tá hé kinaallá lulle hé máre hí ye waar ˈdú tuunna? muí gáál yie.

Yuána 8:40

Yú he máá hé ˈdúwa-, Waag gaa maaleká hí geđuoká, kor káána it ye oos muˈde. Abirááyam íín hé hatallo-, itín hí ekemeychóóllá ma ekêny.

Yuána 8:41

Itín hé ˈjaakícho hí ekemeyoká hí ekemeyche, Yíésu hí gáál yie. Gaal falme, kieye, Nyiin nyáá nyí um afoká muuniny, nyiin ˈJaakínyo tikiˈde, Waag tákáma, gaalí yie.

He Ekeny Gál Alb Fimiká 7:52

Ameeny gál giri Waag hí ˈdéé ka shigicheká mááya eshim eshimkícho hí he ma ki ekêny? Eshim eshim kíchia kinaallá in úba gál giri héle Máá ˈdúwa-, saas mánká ˈjímle ˈdiiyimeká yies. Aalé káána itín it Máá ˈdúwa-, saas mán kinaal hí gáál mú mé il gaa koyye, hí mú chies.

Dhesaloníke Erká 2:14

Nyaaramkínyo, it gál léskícho hí manyjasie. Manyjasiny kíchia kinaallá in hí gál Waaˈgiet lés Yuuˈdia albano eiy eiy gaa ijo-, Kirísto iiy yieká manyjasinylé gállé Yuuˈdi hí manyjasieká ennianká hoyche.

Héberew 11:4

Ábel iiy yeenle ˈdaalleka in héllé shiicho Waag shieká hé Káyin hí Waag shieká ˈdú ˈdúwa. Tá mú iiy yeenle ˈdaalle ˈdugaka in Waag mú máá ˈdúwaká chie, mú héllé shiicho kinaal iiy chie. Har Ábel úba kis mán yieka, mu hé iiy yeenlé kinaal hátle ˈdéé kí hogodho.

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Bétiro Erká 4:4

Gál hé ˈdeđewallá gaa seseenallá hé hí af ˈdaˈdabsuoká he gaal héllé fedo-, hol gáá mony mánnallá itín hí ma gaa seseminyká, in itle gaalí chaarim ˈdú mumura hállá!

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.

Kí Edhesiny 17:6

Aalé yú min fás gál Waaˈgiet ubaa fás gál iiy yeenlé Kirísto iiy yieká ˈdaalle ˈdugaka gaalí yieská iyye-, fas hí fameká arge. Yú min argeká súm he af ˈdabe.