Yuána Erká 2:29 - Fayam Midhab Yiesu Kiristoká He Hol Af Iđiny Kaanaká

²⁹ ˈDaa giri mu íín hát ˈdúwaká hí ógká, itín úba gál hé ˈdúwaká ekemeyoká lulle hát ˈdalmaat mú yé gáá ˈdiiyyeká ˈdalidheká it óg.

Yuána Erká 2:29 ပူးပေါင်းရင်းမြစ်များ

Yuána 1:13

Gál mú iiy yíéllá ˈdalmaat káána-, he kí ˈdalidhééllá hé ˈdalmaat aađa-, fás gonniet-, gálaat hí hol kí hođuoká muuniny, hééllá he ˈdalmaat Waag yé gáá ˈdiiyyeká.

Yuána 7:18

Máá hélle dhúrle hogodhoká ˈdúuw he hol ki ˈgeˈgedhe, tá máá máá hí ali gáá kaayká ˈduuwle laatle lađaanká he máá ˈdúúw hogodho-, af ka hódho mánká.

He Ekeny Gál Alb Fimiká 10:35

É meet lulle gál Waag kikiat-, hé ˈdabaanká gaa seseenká Waag iiy haí chegedhe.

He Ekeny Gál Alb Fimiká 22:14

Aalé mu kieye, Waag eshim eshimkúnno hé ko ká viiyye, giri kuun mu hát he fedoká kiimisat-, mú Máállé ˈdúwa-, saas mánká aargiˈdo-, ubaa ˈdéé af gaa mamaloká.

He Ekeny Gál Alb Fimiká 3:14

It Máá saas mán-, ˈdúwa kinaallá điite. Itín máá gálaat yegieská gaalí yé kí ˈdeđieká hí feˈde.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Héberew 7:2

Aalé Abirááyam héllé lulle ká uuneká met tomon eiy ká mumure, mé tikiˈd mú shie. Meeny Melkíseˈdeg lééllá hélle er kieye, Kánsích hé ˈdúwaká ekemeyoká. Héétí Kánsích Salem gaalí mú yíéllá, hélle kieye, Naanná Kánsíchlé.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Yákob 1:18

Waag hát muun gáál ki feˈdeká in ˈdeeny ˈdúwáállá gáál ˈdalmaat kaanaká gáá shiiche, giri múún he lullé muí les ká koyká ki saanollé erká yegetká.

Bétiro Erká 1:23

Itín it geđi ká ˈdalaate. Luolmit kíchia káána hí ˈgayyáállá ˈdaa ˈdeeny Waaˈgiet bííyyo-, luolmít ˈgúóllá hí ki argiyye. Luolmit kíchiallá taalle luolmit biiyo, hé hát luolmit gálaat el met hí ˈgiˈgidhóóllá muuniny.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Bétiro ki Naamaká 1:4

Mú ˈduuwle ubaa midhantlé kinaal ˈdaalleka, mu hé he af iđinylé ˈdúwa-, kamuryoká hélle muun gáál ká shie. Hé muí gáál ka shíéllá ˈdaalleka, it hí he fedit lesallo-, gáál ˈdeđeneychóóllá yíé gáá ˈdiiyye, Waag hé gerkícho gaa iđo.

Yuána Erká 2:1

Um chiallo, ˈdeenyééllá yú hí ˈdu gáá verenóóllá he giri hí nyuogim ubaa ađaabano ma higilinyká. Tá máádhat har nyuogich yíekaʼ, ađááb yíekaʼ hileka, af kinaalka muun hé ke Máá ˈJaa kúnnaa Waag hol af ijo-, gáál ˈdéé ˈdú hogodhoká ˈguo. Máá kinaallá he Yiesu Kirísto, giri tikiˈde-, ˈdúwaká.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Yuána Erká 3:7

Umééllo, ha máádhat hí bađisîny. Hát Kirísto íín ˈdúwáállá, máá hé ˈdúwaká ekemeyoká úba hé ˈdúwa.

Yuána Erká 4:7

Sheel chia yú gielallo, ˈdaa giri gielmít Waag yé gáá ˈdeˈdeenká, kí hol geelnet. Ameeny máá gielmít ˈguoká he máá ˈdalmaat Waag yé gáá ˈdiiyyééllá ˈdalidhe-, Waag ógká.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Yuána Erká 5:4

Ameeny máá ˈdalmaat Waag yé gáá ˈdiiyyeká ˈdalidheká hé lesalloká he ká aađadhdha. Hé lesalloká hé ke kí aađaatká he iiy yeen kúnnaa ke Yiesu Kirísto ka ˈgúóllá.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.