Yuána Erká 2:23 - Fayam Midhab Yiesu Kiristoká He Hol Af Iđiny Kaanaká

²³ Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Yuána Erká 2:23 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 8:19

Aalé gaal mú heete, kieye, ˈJaakú aake? gaalí mú yie. Yíésu gáál ˈdéé hol ˈdú nie, kieye, Ití ye muog, ˈJaachú úba it muog. Itín hí ye onnônyka, it ˈJaachú úba óg, muí gáál yie.

Yuána Erká 2:22

Máá hódholléká he mááya? He máá kieye, Yíésu hé Messíya muuniny, yegetká muunîny? Máá hatallóóllá he Kirísto kídhíchlé. Máállá ˈJaa kúnnaa Waag ubaa Inylé Kirísto lééllá he điidhe.

Yuána Erká 4:15

Ameeny máá Yíésu hát Iny Waaˈgietká ˈdúúw hođisatká, máá kinaallá íín Waago hí gaa iđa, íín úba Waago he gaa ija.

Yuána Erká 4:2

Gaal har gál Hím Naasan Waaˈgiet ˈdéé ki hogodhoká kátaka, hát ke eiy naasatká hééllá: Ameeny máá hééllá ˈdúúw hođisat-, kieye, Yiesu Kirísto hé gon kaadhdhe, lésallá gaa ˈdalidhe, yegetká, máá kinaallá Hím Naasan Waaˈgieto he ˈdéé ki hogodho.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.