Yuána Erká 2:17 - Fayam Midhab Yiesu Kiristoká He Hol Af Iđiny Kaanaká

¹⁷ Les ubaa balt lesalloká el met haí ˈgiidha, tá máá hé Waag hí feˈdoká ekemeyoká bííyyo hé ali ijo.

Yuána Erká 2:17 ပူးပေါင်းရင်းမြစ်များ

Matááyo 21:31

Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Matááyo 24:35

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin, Yíésu hí lalille yie.

Matááyo 7:21

Gál ye Máá Guđo, Máá Guđo, yegetká ˈbaal hé Guch Uratiká ma higiliny, gál hí higiloká he gál hát ˈJaa chia úr ijoká hí fedoká el gaa igiroká.

Márko 3:35

Máá hé Waag hí feˈdoká ekemeyoká in nyárchú, nyaarchú, ˈjiechú, Yíésu hí yie.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 6:58

Yú he ˈguom úr gáá chimieká. Eshim eshimkícho hé mánna koey, kor úba hé guraam hí guure, tá máá ˈguomééllá kuoká taalle bííyyo ali he ija, Yíésu hí gáál yie.

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Korínto Erká 7:31

Héétí gál lésal hélle mé veereká, tawunyle hai hé kinaal tákámle gaa iđîny. Hééllá he ˈdaa giri les káána yaalmitlé he taalallá el ˈginle ká keedneteká.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Dhesaloníke Erká 4:3

Hé Waag hí feˈdoká he giri itín gál ˈdúwa-, Waaˈgietká hí chegeto-, hí herginy gálle hol ma shúúnanká hol ká ririato-,

Dhesaloníke Erká 5:18

Yaalmisano lullé hí gaa iđaká ˈdaalleka, Waag gielmít hol ˈdú naannáa, ˈdaa giri hééllá ˈdaa Yiesu Kiristoka Waag hí ki feˈdoká.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Yákob 4:14

It hé berikaká muog. Iđinykícho hát meete ki yeedhe? Iđinykícho he hát nés les ˈdaraan-, đo ál ˈjob mán gaa yegetká.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.