Yuána Erká 2:16 - Fayam Midhab Yiesu Kiristoká He Hol Af Iđiny Kaanaká

¹⁶ Hééllá he ˈdaa giri he met lullé les gaa ijo-, hát káána balt ˈdeew-, gonietká yíekaʼ, bargaab hé gálaat inle hí fedoká yíekaʼ, héétí hé gálaat hí ˈguo-, ubaa hí ekemeset-, hí hol ki memeyoká yíekaʼ, hééllá lulle hé ˈJaa kúnnaa Waag yé ma gáá ˈdeˈdeminy, lésallá he yé gáá ˈdeˈdeme.

Yuána Erká 2:16 ပူးပေါင်းရင်းမြစ်များ

Matááyo 4:8

Aalé hé kinaal el ˈdaal Sátan geđi Yíésu gúm ˈdérká mé ˈdug site, mú lésallá lulle ubaa kamurle argisiche,

Matááyo 5:28

Tá yú íín hí geeye, máá min eiy hí il hergisato-, min baltle ˈguoká, gon hát máá minle ˈdú buraay.

Lúka 4:5

Hé kinaal elle Sátan geđi mú gúm ˈdug site, mú lésallá kamurle lúl a tikiˈd ki argisiche,

Róóma 13:14

Héél afleka, kí Máá Guđo Yiesu Kirísto húgúmle ˈguo, ha ke balt gaa nyakaridhe-, gonnietká tawunyle ˈgíiny.

Korínto Erká 10:6

Aaléka, hééllá hatallá ˈdíéllá he il gíl gaa helitkúnno, giri hát gaal íínka, ke hé ˈdeđewká maralle ˈguoká ma yegenká.

Galátia 5:17

Balt goniet gaa nyakaridhééllá hé hé Hím Naasan Waaˈgiet hí feˈdoká muuniny. Hím Naasan Waaˈgiet héllé feˈdoká ubaa balt goniet gaa nyakaridheká héllé feˈdoká hol ká eiyye. Hím Naasan Waaˈgiet ubaa balt goniet gaa nyakaridheká íín hol oosó. Yaalmit kinaallá in álká hé midhab onnônyka itín hí feˈdo-, hí ekemeychoká hí ma ekemeny.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Eféso 2:3

Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Títo 2:12

ˈDúˈjím Waaˈgietallá hé gáál oonisichoká he húgúm Waag hí nébká ubaa balt lesalloká ke hol ka ririat-, ki kás kakaat-, ˈgíérích ˈdúwa-, Waag hí feˈdoká ki báral ke ki ijoká.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Yákob 3:15

ˈDaalim hatallo-, hódhóóllá hé úr ma gáá léen, ˈdaalimééllá he ˈdaalim lesallá. Hé ˈdaalim Waaˈgiet muuniny, he kídhích Waaˈgiet ˈdaalimlé.

Yákob 4:16

Kor itín káána, hollo hí hol memeyche, gál ˈdúwaká hí hol ká dhaˈgasanna. Tá hol meeny lullé hat kinaallóóllá hé tág ˈdeew.

Bétiro Erká 1:14

Aaléka, ˈdaa giri hí um Waag af ˈduwasuoká chieká, balt af giri hí Waag moonnoyyeká hí ˈgayyeká haí geđi hol ˈdú náan.

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.

Bétiro ki Naamaká 2:10

He il ka argisinyééllá súm ˈdaa gál balt gónlé-, kern mantiká el gaa igiro-, gál hí met ki ˈgieká egesheyoká he ki taalla. Gál hođomlééllá hé Waag ubaa gálaat kianka mán, gaal gálaato egesheye. Gaal hé úba aryaan farguogoká eeshenylé he egesheyoká hí ma biirgisiny.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.