Yuána Erká 2:15 - Fayam Midhab Yiesu Kiristoká He Hol Af Iđiny Kaanaká

¹⁵ Haí les ubaa les héllé hí gaa ijoká géélnen. Máádhat har hé lesalloká geelnedheka, hé gielmit ˈJaa kúnnaa Waag geerka mán.

Yuána Erká 2:15 ပူးပေါင်းရင်းမြစ်များ

Matááyo 4:8

Aalé hé kinaal el ˈdaal Sátan geđi Yíésu gúm ˈdérká mé ˈdug site, mú lésallá lulle ubaa kamurle argisiche,

Matááyo 6:24

Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen.

Lúka 16:13

Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen, Yíésu hí gáál yie.

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Tímote Erká 6:10

Kamúr gielmít he met lullé ˈdeđewká máádhat yé ˈdú ˈdeđicha. Kamúr baltlééllá ˈdugaka in gáál ˈbáál iiy yeenlé Kirísto iiy yieká ˈboiy gaa ˈdie, hol geer ˈdeent burnayyeká ˈdú iđie.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Yuána Erká 3:17

Har máádhat he ˈguo-, tá nyárlé he hí ki ˈgereká geer hí shâw ma ˈdú yeenka, máá kinaallá háteeye gielmit Waaˈgiet hí gaa iđa?

Yuána Erká 4:5

Gálallá íín lésallá ˈdaallé he ki ˈgee, in hé lesalloká hogodho, les hí af nee kokoyyo.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.