Yuána Erká 2:14 - Fayam Midhab Yiesu Kiristoká He Hol Af Iđiny Kaanaká

¹⁴ It đalbááyáállo, hééllá yú hí ˈdu gáá veerééllá he ˈdaa giri itín hí ˈJaa kúnnaa Waag ógká. It idhaamallo, hééllá yú hí ˈdu gáá veerééllá he ˈdaa giri itín Máá erkob-, Waag hátlé hé níínní ka kuonne mánká ali ijeká hí ógká. It rúórééllo, hééllá yú hí ˈdu gáá veerééllá he ˈdaa giri hí fargogínt ˈgayya-, ˈdeeny Waaˈgiet hí ger gaa ijo-, tá hí máá ˈdeew-, Sátanlééllá ká adhateká.

Yuána Erká 2:14 ပူးပေါင်းရင်းမြစ်များ

Yuána 15:7

Har hí ye gaa iđa-, ˈdeenychú hí gaa ijoka, hé hí feˈdeká heetíe, haí aargiˈda.

Yuána 5:38

Mú ˈdeenyle úba hé hí ger gaa mán, ˈdaa giri Máá muí ali gáá kaayká hí iiy ma chéenká.

Yuána 8:31

Yíésu gál Yuuˈdi hí iiy yieká geey, kieye, Har hí he onisinychú tág chirateka, itín af kinaalka gon hí lalichú,

Yuána 8:37

Itín hát hí hídh Abiraayamká yáá hí óg, kor ˈdaa giri hí ˈdeenychú ma ˈdú fafinyká, in hí tagkícho ˈdiiyye, hí ye chegese.

Eféso 6:10

Aaléka, ˈdéé hót chia biiy el ˈdaˈdká hééllá: ˈDaa giri itín Máá kúnnaa Guđoká hílléká, mú fargogintlé fargogiyyóóllá far ki googóo.

Filíbi 4:13

Kirísto fargogint ye ka shieká ˈdaalleka, he met lullééllá fargogintle yáá ˈguo.

Kolosááya 1:11

It úba ke hí Waag kí vivisat, giri Waag guchlé he ˈgayyoká hí fargogintle hí far ki googoyyo-, hí mé ki chirsan ˈgayya-, taalle hí he ˈdú fafaataká. Aaléka ger hí gaa meemeet,

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Tímote ki Naamaká 2:1

Aaléka, kó iny chiallo, ˈdúˈjím Yiesu Kirísto gaa iđóóllá far ki gógob.

Héberew 8:10

He hol af iđiny kaana-, ka chiimeto-, yú ubaa gál Yisirayel nyí hol af iđimichaká hééllá: Hemuumuritchú gáál kasle ha yú gaa iđimia, gáál gerle ha yú gaa kakaa. Yú gáál Waagle ha yeedhe, gaal íín gálchú hai yeedhe.

Yuána Erká 1:1

Nyiin Máá erkob-, Waag hátlé hé níínní ka kuonne mánká ali ije-, nyí ageerle nee kokoyye-, ubaa nyí il ki argiyyeká fayamle ke hí ki ˈdiyime. Máá ˈDeeny Luolmiti lééllá nyáá nyí argiyye, nyí gilkínyo ki chiichirate.

Yuána Erká 1:10

Har ki kieye, hé ke nyuogim ubaa ađaabano ma híliny, ki yieka, af kinaalka Waago ke máá hódholléká hoy, mú ˈdeenyle hé gáál ma gaa iđiny.

Yuána Erká 2:13

It idhaamallo, hééllá yú hí ˈdu gáá verenóóllá he ˈdaa giri itín Máá erkob-, Waag hátlé hé níínní ka kuonne mánká ali ijeká hí ógká. It rúórééllo, hééllá yú hí ˈdu gáá verenóóllá he ˈdaa giri hí máá ˈdeew-, Sátanlééllá ká adhateká.

Yuána ki Naamaká 1:2

Itín ke hí gielallá, he ˈdaa giri ˈdeeny ˈdúwa-, Waaˈgietallá muun gáál gaa ijo-, kor taalle bííyyo muun gáál gaa ijoká.

Yuána ki Seđeká 1:3

Af giri gál nyaaramká ká fame-, yaalmit kua kúólle ˈGierich ˈDúwáállá aadh lulle ki taalká ye fayamle ka shieká, yáá tág geer ye gaa meedhe.

Kí Edhesiny 2:3

Itín ˈdaa meenychúka hát hí maanyjayyo-, tá hí mé ki chichirsato-, hí ma giinanyká yáá óg.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.