Waag hé gáál in ˈdabsiche, gáál met googonoyche, giri gaal inle he ma ki aargiriny-, kasle he eiy ma ki nannasanká. Waag úba kieye, Gaal hai ye ˈdu gáá ríébiny, yú bisîny, Waag hí chie, Yisááya hí yieká.
Af Moshe kinaallá in gál Yisirayel kas hí chúg chie, tá ˈjíig káána ke gaa ijóóllá đig. Gaal af giri he hol af iđiny kissoká warˈgasamle totoyoká, gaal hát gál kasle đafar giˈdidheká bueká. Gaal Kirísto iiy yieka tákáma kas hí eiy ˈdeenne, fayam Waaˈgiet eiy nannata.
Máádhat he yaalmisanóóllá manítaka, he hát máá in gaa dhát-, hol ˈgas mé ma arginyká. Máá hat kinaallóóllá héllé ˈdeđew-, he kis eekemeyká ađaabanolle hát Waag hí gaa eeyyeká hé úba hí in ká bađay.
Har máádhat kieye, Yáá Waag giel, yeget-, kor nyárle nebítaka, máá kinaallá he máá hódholléká. Máá nyárlé il ki argoká ma geelnenyká, hé hát níínní Waag he il ma ki árginyká gielká mán.