Tá ˈdaa giri mu ˈdeeny Waaˈgiet hidh ma ki arînyká mu hé ˈdeeny Waaˈgiet kinaallá súm ma chochony. Hééllá he ˈdaa giri ˈdeeny Waaˈgietallá gaa manyjanyle ubaa he il ká argisinyle mú ali af kí mureka, mu đo ˈdéé gíl sug ki haađuoká.
He bá ˈdéen! Les har hé gálaat ađááb higilsuoká hí gaa ijaa! Yaalmisam hatallóóllá gon les yé hai gáá ˈdeeme, tá máá gálaat ađááb higilsúóllá, ebá he hí ki ˈdéen!
Yíésu kieye, Bííy kulich-, ke hujich gaa nannuoká hé aadh ˈgas hí tomon tikiˈde a naama muunîny? Máá bííy kulichká gaa seseenká hé ma riigiriny, ˈdaa giri mu les édhúmle ki seseenká.
Aaléka, kí hol ˈdeensen hayo. Hé kinaal afleka kí hol ˈdéé mé gaa eet, giri nyaaram kúnnaa Kiristóóllá hé mákárta-, hí riigirsuo-, hí ađaabano mé ki kokuoká ke gáál ˈgas met ma gaa iđiminyká.
ˈDaa giri muun ki gál nyaaramallá gielká, in hát ki kúfach el ki naate-, ki luolmít yé ˈdú ˈdieká ki og. Máá gál nyaaramallá ma geelnenyká hátle kúfacho he gaa ija.