Yuána Erká 2:1 - Fayam Midhab Yiesu Kiristoká He Hol Af Iđiny Kaanaká

¹ Um chiallo, ˈdeenyééllá yú hí ˈdu gáá verenóóllá he giri hí nyuogim ubaa ađaabano ma higilinyká. Tá máádhat har nyuogich yíekaʼ, ađááb yíekaʼ hileka, af kinaalka muun hé ke Máá ˈJaa kúnnaa Waag hol af ijo-, gáál ˈdéé ˈdú hogodhoká ˈguo. Máá kinaallá he Yiesu Kirísto, giri tikiˈde-, ˈdúwaká.

Yuána Erká 2:1 ပူးပေါင်းရင်းမြစ်များ

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 10:15

hát káána ˈJaachú ye óg-, yú úba ˈJaachú ógallá. Sídhchú wála ha yú ˈdú silmia.

Yuána 13:33

Ummo, yú aadh ˈgas ninniká tákáma ke hol af ija. Hát giri yú gál Yuuˈdi geeyká in yú hí geđia, itín úba hollo hí ye hol gaa ˈgeˈgete. Tá ál yú mé nannuoká it ál níínní hí kí ˈdiiyyaká mán.

Yuána 14:16

Tá ˈJaachú ha yú hegete, mu Máá éíy hí rangʼit yeget-, bííyyo hí hol af yíéđiannoká haí ká shigia.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 21:5

Aalé Yíésu gáál vie, kieye, Ummo, it béch níínní hí ka argiyyeká mân? yie. Gaal kieye, Mán, gaalí yie.

Yuána 5:14

Aalé waaséél máá midhandheká ˈBíl Waaˈgietká álle mé nieká Yíésu mú ˈdú sedhe, mú geey, kieye, Bá dháash, kó midhante, ha geđi ađááb hol ˈdú náan, hé súm ˈdeewká ko mé gáá ˈjíiny, mú yie.

Yuána 5:36

Yú yáá hé ˈduuwchú hogodho-, fayam Yuána hí ˈdu gáá sidheká af mé ˈdú gíriká ˈguo. Hújích ˈJaachú hí ye ká shie-, bééso muí yie-, káána hátle yú nannúóllá hát ˈJaachú ye ali gáá kaayká ˈduuwlé he hogodho.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Yuána 8:11

Min kieye, Máá Guđo, hé mán, chie. Aalé Yíésu kieye, Yáá úba ko ma ˈdeđensen, sí, ha geđi ađááb híliny, yie.]

He Ekeny Gál Alb Fimiká 7:52

Ameeny gál giri Waag hí ˈdéé ka shigicheká mááya eshim eshimkícho hí he ma ki ekêny? Eshim eshim kíchia kinaallá in úba gál giri héle Máá ˈdúwa-, saas mánká ˈjímle ˈdiiyimeká yies. Aalé káána itín it Máá ˈdúwa-, saas mán kinaal hí gáál mú mé il gaa koyye, hí mú chies.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 6:15

Aalé háte ke ˈdeeme? ˈDaa giri muun hemuumurit Waag hí gál Yuuˈdi shiicheká ke gim gaa láʼ-, ki ˈdúˈjím Waaˈgiet gaa ijóóllá, he in taalle ađaabano ke higila? Hé kinaal Waag hí điito!

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 4:19

Umchú, geer kúl ˈdaakíchoka yú geđi ˈgúóllá hát geer kul min ˈdaˈdalloká verennoká. Itín hí hát Kirísto chegetoká yú fede.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Eféso 4:26

Har hí idhanneka, idhokícho haí ađááb mé ki kôny, hí ger ubaa met ka ˈgíiny, aadh hí dhúú ˈdú ˈjíiny,

Tímote Erká 2:5

Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Tímote Erká 3:14

Yú ko ál ˈjob ˈdu gáá yiimetká fede, tá kálmaréél yú ko ál ˈjob ma gáá hilinyka, hééllá yú ko ˈdu gáá veere,

Héberew 9:24

Kirísto hé Ál ˈDúwa-, Kiato-, gaalí ˈdisseká ma híliny. Ál ˈDúwa-, Kiato-, gálaat hí gílle ki ˈdissééllá he taalle ál uratíítíá yaalmitlé. Aalé Kirísto hé ál uratíítíá hile, in káána ˈdaakúnnoka Waag met gaa yaalla.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Yákob 3:9

Ere ííni ke Máá kúnnaa Guđo Baabá Waag ke ki memeye. Tá úba e gál Waag hí yaalmitle tág ka niiyyeká ke ki waaˈgata.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 3:18

Umééllo, ha ki gálaat af tákámle ki geelnêny, gálaat kí hát ˈduwantiká geelnew, gálaat kí ˈdú ˈjeeˈjeen.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Yuána Erká 3:7

Umééllo, ha máádhat hí bađisîny. Hát Kirísto íín ˈdúwáállá, máá hé ˈdúwaká ekemeyoká úba hé ˈdúwa.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yuána Erká 5:17

He ˈdeđew-, ki ekemeyoká lulle he ađááb, tá biiy hé ađaabano gálaat kúfach mé ma ki kokonyká hí gaa ijo.

Yuána Erká 5:21

Umééllo, hol waagam hódhoká gáá faganayyíe!

Yuána ki Seđeká 1:4

Yú umchú ˈGierich ˈDúwáállá ki ijoká maaleka, geer gaa meen yú aargiroká hé tág súm guđo.