Yuána Erká 1:9 - Fayam Midhab Yiesu Kiristoká He Hol Af Iđiny Kaanaká

⁹ Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.

Yuána Erká 1:9 ပူးပေါင်းရင်းမြစ်များ

Matááyo 3:6

Gaal héllé ˈdeđew-, eekemeyká huogodhe, Waag makan fame, Yuána đo gáál wár Yorˈdan bíélle gim nie.

Márko 1:5

Aalé gál lés Yuuˈdiaká ubaa gál ˈjien Yerusalemká lulle Yuána ˈdú sedhe, gaal héllé ˈdeđew eekemeyká ˈdeentle iiy yie, mu gáál wár Yorˈdan álle bie gim gaa nie.

Lúka 22:57

Aalé Bétiro falme, kieye, Inííllo, yáá mú muog, yie.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

He Ekeny Gál Alb Fimiká 19:18

Aalé gál Yíésu iiy yie-, burnayká ká yimie, héllé ˈdeđew-, he eekemeyká gálaat met gaa huogodhe, ˈdeentle iiy yie.

Róóma 3:26

Hééllá muí il er níéllá, he ˈdaa giri mu gáál nog ki sesemeká. Tá báralka, suor Yiesúúllá Waag hát he ˈdúwaká gáál ká aargisicha. Héétí gál Yíésu iiy yegetká in Waag hí gál ˈdúwaká chegedhe.

Korínto Erká 1:9

Waag ííni hí ká viiyye-, giri itín hí Inylé Máá kúnnaa Guđo Yiesu Kirísto hol ˈdú faannééllá, dhúrle hé ˈdúwa, hát ˈdabaanká haí chiirata.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Eféso 5:26

Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 11:11

Sáára min Abiraayamká úba iiy yeenle ˈdaalleka, har káána kísóótí ˈdal mannayye-, úba káána súm vinateka, hé Waag hí ˈdal shiiche. Hééllá he ˈdaa giri Waag mu íín ubaa bélle he af iđicheká muí af ˈdúúw hoteká.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!