Yuána Erká 1:7 - Fayam Midhab Yiesu Kiristoká He Hol Af Iđiny Kaanaká

⁷ Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 1:7 ပူးပေါင်းရင်းမြစ်များ

Matááyo 6:12

Hé nyí ˈdeeđeneycheká ˈdaalleka nyí ˈdú ˈjé, hát tikiˈde nyiin gál nyí he ki ˈdeeđeneyká nyí ˈdú ˈjiiyyééllá.

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Yuána 12:35

Aalé Yíésu gáál geey, kieye, Edhum rámlé ka ˈgite-, hí hol af iđaká hé iraam ká ˈdabiyye. Édhum hátlé hí hol ˈgayya, bííy gaa dhátká hí el ma ˈdug gáá hílinyallá hol gaa seesemíe. Máá bííy gaa ongʼoˈdeká gaa seseenká hé ál he nannaatká muog.

Yuána 5:4

Naˈbualééllá máá ˈgasso-, urru-, Waaˈgietká aadh ka yimetká đo đaam haí gaa made. Máá erkob naˈbúál ki leedhoká đo hai midhandhe.]

Róóma 13:12

Chúúre hé ká beeyye, biiy fuan hé ká ˈjobonte. Aaléka, hé ˈdeđew-, gaalí bííy gaa ongʼoˈdeká gaa ekemesetká kí hayo, kí édhum hélle hisat.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Eféso 5:8

Itín kíssóótí bííy gaa dhátká hí gaa iđe, káána ˈdaa giri hí Máá kúnnaa Guđoká hol lileteká it hí mú édhúmle argiyye. Édhúm kinaallá gaa yíéđía.

Tímote Erká 6:16

Mu íín tákáma he Máá ma kufuminy-, édhúm ki ma kí ˈjoobononká gaa ijoká. Mú hé kálta máá hí argeká mán. Máádhat hé fargogint níínní ˈguo-, mú ki aargiroká mán. ˈDuuw ubaa guch biiyoká hí mú hélle yeet. Iiy-hí, he hí hát kinaallá yeet.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yákob 1:17

He lullé shiicho-, gaa ˈdabaan-, midhabká úrro he yé gáá ˈdeˈdeme. Hé shiichóóllá Waag úr édhúmle ká kuonneká he yé gáá ˈdie. Waag hé hát gaach hol gaa mamaˈdóóllá hol ma gaa mamadiny.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Yuána Erká 1:5

Fayam nyí Kirísto gaa maalle-, ke hí ki ˈdiyeenallá he fayam kieye, Waag he édhum, Waag dhúrle hé hé níínní gaa nyakarich hí gaa ijoká mán.

Yuána Erká 5:6

Yiesu Kirístóóllá he Máá bie ubaa fás kí yimieká. Mu hé bie tákámle ma kí yímen, mu bie ubaa fásso he kí yimie. Hééllá hát ˈdúwaká Hím Naasan Waaˈgiet aadh lulle hé ˈdúwaká hogotóóllá hé hí gáál ká geđicho.

Yuána Erká 5:8

Hé kinaallá he Hím Naasan Waaˈgiet, ubaa bie, tá fás. Hé seđééllá ˈduuw he hogodhoká tikiˈde.

Yuána ki Naamaká 1:4

Yáá tág geer ye gaa meedhe, giri um kua yú argeká ˈdeeny ˈdúwáállá ki ijoká. Hééllá he hát ˈJaa kúnnaa Waag hí muun gáál kí mureká.

Yuána ki Seđeká 1:4

Yú umchú ˈGierich ˈDúwáállá ki ijoká maaleka, geer gaa meen yú aargiroká hé tág súm guđo.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.