Yuána 9:39 - Fayam Midhab Yiesu Kiristoká He Hol Af Iđiny Kaanaká

³⁹ Aaléka, Yíésu kieye, Yú gálaat ˈdéé eiy ki ními ˈdaalle ˈdugaka in lésallá ká yimie, giri gál in mánká in hí yiem ká ˈdeˈdeen-, gál in ˈguoká in ˈdaˈdaboká, yie.

Yuána 9:39 ပူးပေါင်းရင်းမြစ်များ

Matááyo 11:5

Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 15:14

Gál Farisaayallá hayyíe, gálallá he gál bala maaman-, gállé bala maamanká gil met chichiratká. Tá máá bala mánká máállé bala mánká gíl mé chiˈdeka, gaal hullaalle đo ˈguoˈd hai ki okoˈde, muí gáál yie.

Matááyo 6:23

Tá in har ko ˈdeđíntaka, gónkú lulle af kinaalka, húˈdo he chie. Aaléka, har édhúm kuun ko gaa ijoká húˈd yieka, huˈd kinaallá ebá súm ˈdéen!

Lúka 1:79

Édhúm kinaal gál bííy gaa ongʼoˈde-, bííyle súm húˈd chieká gaa ijoká yé hai ˈdu gáá ˈdeeme, tá úba ˈgaskúnno ˈgíérích naannáká hai nannaa, Sakaría hí yie.

Lúka 13:30

Bá dhaayyíe, gál biiy elloká ˈbaal alb gál biiy metoká hai ki maada. Gál biiy metoká ˈbaal alb gál biiy elloká hai ki maada, Yíésu hí gáál yie.

Lúka 2:34

Símion gáál ˈdú ˈguunume, kor véel ˈjiellé María geey, kieye, Bá dháash, veelééllá ˈdaalle ˈdugaka gál Yisirayel burnayká les hai ˈdarama, gál Yisirayel éíy taaka burnayká les hai gaa keeme. Veelééllá he hedh gaalí điidhan-, gaalí ˈdeem ˈdeđewká ki hogodhoká,

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Lúka 7:21

Ál kinaal Yíésu gál burnay basham ˈgieká ubaa gál aryáán hí hilleká bisie. Mu gál in maaman-, burnayká úba in kaay, gaal biiy gaa arge.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 12:46

Yú lésallá ka yimíéllá he édhum, giri máá ye iiy yegetká bííy gaa ongʼoˈdeká ma gaa yíéđiminyká.

Yuána 3:17

Waag Inyle ali gáá kaayyééllá hé gálaat ˈdeđensetoká ma ka múriny, Íny ˈdaalle gálaat rubach ki shigichoká he feˈde.

Yuána 3:19

Waag gálaat ˈdeensenle hé igiˈdoká hééllá: Waag édhúmlé ˈdúwaká íín hé les ká hile, kor ˈdaa giri gálaat héllé ekemeyoká lúl gaa nyakarichká, gaal hé édhum ma géélnen, gaal bííy gaa ongʼoˈdeká he geelney.

Yuána 8:12

Yíésu geđi gálaat ki ˈdiiyime, kieye, Yú he édhúm lésallá ka yimieká. Máá ye el gáá veeroká hé geđi bííy gaa ongʼoˈdeká ma gaa seseminy, édhúm gálaat luolmít shiguoká he ˈgaa, yie.

Yuána 8:15

Itín yaalmit gálaatká hí gálaat ˈdéé ki iđimicha. Yú íín yáá máá ˈdéé ki iđimuoká mán.

Yuána 9:25

Aalé máá giriká kieye, Mu ađaabano ˈgaakaʼ, mánkaʼ, yáá muog. Tá hé yú ógká íín tikiˈde, yú érléká yáá in mannay, kor káána yáá biiy gaa arge, gáál yie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Korínto ki Naamaká 2:16

Tá gál baađawallá érallá ˈdoonlé hí kí ˈdoˈdootká hát hé moˈdoy-, ˈjuuray-, gáál kúfach yé ˈdú ˈdeđuoká wánlé. Tá gál rubach aargirokáka, he hát us midhab-, gálaat luolmít yé ˈdú ˈdeđuoká. Aaléka, hújích hatallo-, fargogóóllá gálya hí ura?

Eféso 5:14

ˈdaa giri edhum íín he lulle ka eedhesuoká. Yaalmitééllá ˈdugaka in gálaat kieye, Kó rafanannóóllo, in eiy ˈdéesh, kúfach yé gáá ˈdé, Kirísto édhúmle hí ko gaa veero, gaalí yegedhe.

Dhesaloníke ki Naamaká 2:10

Mu ameeny hé hodho-, gálaat ki baađisuoká hai kí yiimedhe, gál Waag hí he il ká aargisichoká hai baađisia, ˈdaa giri gaal ˈduuw Waaˈgiet iiy ma yegen-, gielmitle mán-, gaal rúbách Waag hí gálaat shigichoká ma aargirinyká.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Yuána Erká 2:11

Tá máá nyárle nébká bííy gaa ongʼoˈdeká he gaa ija, gaa seseme. ˈDaa giri mú bííy gaa ongʼoˈdeká hí in riiyyeká, mu hé mé ˈdaa he ki seseenká muog.