Yuána 9:35 - Fayam Midhab Yiesu Kiristoká He Hol Af Iđiny Kaanaká

³⁵ Aalé Yíésu máá in kaayká hát gaalí ˈbíl ˈdiiyiminyká gaa arieká maale. Yíésu mú bííyle mé nie, mú yiete, kieye, Kó Iny Máádhat iiy chie? yie.

Yuána 9:35 ပူးပေါင်းရင်းမြစ်များ

Matááyo 14:33

Gál kádích kinaal gaa ijeká lulle mú vite, kieye, Hé ˈduwa, kúún gon Iny Waaˈgiet! gaalí Yíésu yie.

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 1:34

Hé kinaallá yáá arge, tá yú hí mú ˈduuwle geeye, Máállá gon Iny Waaˈgiet, Yuána hí gáál yie.

Yuána 10:36

tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 11:27

Aalé Márta kieye, Iiy-hí Máá Guđo, kúún hát Messíya-, Iny Waagoká yáá iiy yie. Kúún he Máá Warˈgat Waaˈgiet hí hote-, lésallá ka yiimetká, chie.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 5:14

Aalé waaséél máá midhandheká ˈBíl Waaˈgietká álle mé nieká Yíésu mú ˈdú sedhe, mú geey, kieye, Bá dháash, kó midhante, ha geđi ađááb hol ˈdú náan, hé súm ˈdeewká ko mé gáá ˈjíiny, mú yie.

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

Yuána 9:22

Gál mú ˈdaloká hatallá yíéllá, gaal gál guguđo-, Yuuˈdiká he kiadhe. Hééllá he ˈdaa giri gál Yuuˈdi kis ˈdéé muˈde-, kieye, Máá kieye, Yíésu he Messíya, yeetká, ˈbíl ˈdiiyiminyká ha gaalí gaa aruma, yieká.

Yuána 9:34

Gál guguđo Yuuˈdiká hatal muí yieká kieye, Kúún in ađaabano guđoká kí ˈdalaate háluke, tá har nyí ki ˈdiyeenne! gaalí mú yie. Gaal đo mú ˈbíl ˈdiiyiminyká gaa arie.

He Ekeny Gál Alb Fimiká 8:36

Gaal ˈgíéríchlé gaa igireká gaal ál bie hí gaa ijo mare ká nyuore. Aalé máá giri Abachaká mú geey, kieye, Bie hállá, meete ye bie gim naan ká riridhdha? yie.

He Ekeny Gál Alb Fimiká 8:37

[Fílib mú geey, kieye, ˈDeenyééllá har ko geer hát ˈdabaanká hileka, af kinaalka bie gim ha yú ko nannaa, yie. Aalé máá Abachaká mú ˈdéé hol ˈdú nie, kieye, Yiesu Kirísto hát he Iny Waaˈgietká yáá iiy yie, yie.]

He Ekeny Gál Alb Fimiká 9:20

Mu af kinaal đo ény ˈdiiyiminyká gerle Yíésu hát he Iny Waaˈgietká gaa ˈdiiyime.

Róóma 1:4

Inyáállá Hím Naasanle he Hím Naasan Waaˈgiet. Waag fargogintlé Inyáállá geđi ki loolnoyche, Íny uushich yé gáá ˈdeeyche. Yaalmitééllá in Waag Inyáállá hát Inyléká gáál eiy kí niiyye. Iny Waaˈgietallá he Máá kúnnaa Guđo Yiesu Kirísto.

Róóma 10:20

Héétí Yisááya hé Waag hí hoteká hát sierm mantiká ˈdiiyime, giri Waag kieye, Yú gál ye hol ma gaa ˈgéˈgenká hé ye shuunne, gál ye ma hegésenká yáá hol argisie, chieká.

Yuána Erká 4:15

Ameeny máá Yíésu hát Iny Waaˈgietká ˈdúúw hođisatká, máá kinaallá íín Waago hí gaa iđa, íín úba Waago he gaa ija.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.

Yuána Erká 5:13

It hí Iny Waaˈgiet iiy chíéllá in yú hí hééllá ˈdu gáá veere, giri hát hí luolmit biiyoká ˈgayyoká hí ógká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána Erká 5:5

Mááya hé lesalloká ká aađadhdha? Máá Yíésu hát Iny Waaˈgietká iiy yeetká tákáma hé lesalloká ká aađadhdha.

Yuána ki Seđeká 1:10

Aaléka, yú ká yimieka, mu yaalmitlé gaa seseen-, máálle nyí hát nebitiká fiichilóóllá metkícho ha yú gaa hogodho. Hé kinaallá úba kí hayo, mu gál nyaaram-, álkícho gáá nannaatká mé guđáan yegetká điđidhma. Mu hé gál onnônyka gáál mé guđáan yegetká úba hé kinaal ká ririat, héétí gáál gálatí gaa aruan.