Yuána 9:29 - Fayam Midhab Yiesu Kiristoká He Hol Af Iđiny Kaanaká

²⁹ Móshe hát Waag hol geđieká nyáá nyí óg, tá máállá ál he gáá yimieká nyáá nyí muog, gaalí mú yie.

Yuána 9:29 ပူးပေါင်းရင်းမြစ်များ

Matááyo 12:24

Kor gál Farisaay ˈdeenyéél maaleká Yíésu eeshey, kieye, Máállá fargogint Belsebul giri aryáán kánsích léká in aryáán yiem ki ˈdeđia, yie.

Matááyo 26:61

kieye, Máállá kieye, Yáá fargogint ˈBíl Waaˈgiet ki ˈgieˈguo-, tá ˈBíl kulich seđ gaa ˈdiisoká ˈguo, he yie, gaalí yie.

Lúka 23:2

Gaal mú he af kaay, kieye, Máállá gál kínyia baađisia, nyí argiyye. Mu kieye, Haí Káísar gibíre les ki fíinyo, he gálaat yeedhe. Mu úba kieye, Yú he Messíya giri kansichká, he yie, gaalí yie.

Yuána 1:17

Hemuumurít íín Móshe hí gáál ká hilsie. ˈDúˈjím ubaa ˈgíérích ˈdúwáállá íín Yiesu Kirísto hí gáál ká hilie.

Yuána 7:27

Messíya íín ká yiimetká, állé gáá yiimetká amáre múún ke onnoy? Tá máállá égetle hé ki ógká, muunîny? gaalí hol yie.

Yuána 7:28

Aalé Yíésu hátlé giri gálaat ˈBíl Waaˈgietká nyáláárle geer he gaa oonisieká af gaa guđoká ˈdéé ki hodhe, kieye, Itín it ye óg, ál yú gáá yimieká úba it óg. Tá yú yáá meenychú ma kí yímen. Máá ye ali gáá kaay-, itín hí muogká, hé tág ˈdúwa.

Yuána 8:14

Aalé Yíésu gáál ˈdéé hol ˈdú nie, kieye, Har káána yú hol ˈduuwchú ˈdú hogodhoka, ˈdaa giri yú ál gáá yimieká ubaa ál seseenká ógká, hol ˈdúúw ˈdú huogon chiallá hé ˈdúwa. Tá itín íín it ál yú gáá yimieká ubaa ál yú seseenká muog.

Yuána 9:16

Gál Farisaay ˈbáál kieye, Máállá ˈdaa giri Kúlích Hef ˈGisanká nyátálle ma ki yaalinyká, hé gon Waag ma gáá yímen, yie. Gáál ˈbaal hí kieye, Mu har máá ađááb ˈguoká kátaka, mu háteeye hé gálaat af ˈdaˈdabsúóllá ekemeye? yie. Gaal đo hol af ká điidhe, eiy ˈgite.

Yuána 9:24

Aalé gaal geđi máá biiy gaa argeká ká vie, geey, kieye, Ebá Waag ˈdúo, hé ˈdúwaká húógot. Nyiin íín máá kinaallá hát ađaabano ˈguoká nyáá nyí óg, gaalí mú yie.

Yuána 9:30

Máá giriká kieye, Hééllá he hé ki af ˈdaˈdaboká! It ál muí gáá yimieká muog, kor mu hé ye in yé ká ˈdeey.

He Ekeny Gál Alb Fimiká 22:22

Gálaat Báulo af nee koy, mu bár ˈdéé hótal đig ka yieká gaal kúóˈd ˈdoy, kieye, Máállá les gaa yiesíe! Hééllá hé máá les ˈdug ˈdú ijoká muuniny! yie.

He Ekeny Gál Alb Fimiká 26:22

Tá Waag hé ye ˈdú ˈjiiyye, ˈjíig kúlích káána ke gaa ijo-, yú hí metkícho gaa yaal-, yú it kaansúóllá ubaa gál chiallá fayamééllá hí geđúóllá. Móshe ubaa gál Waag hí ˈdeem ka shigicheká hé biiy meto ali kí ˈdeenká ˈdeenylé he huogodhe. ˈDeeny chia yú hogodhóóllá he ˈdeeny tikiˈde gaal íín hí huogodhe kinaallá.

He Ekeny Gál Alb Fimiká 7:35

Hééllá Móshe tikiˈde giri gál Yisirayel hí điidhe-, gaal kieye, Mááya ko nyí máá arra-, nyí mé ki yaalká hoy? gaalí yieká. In Waag Móshe kinaal yaalmit máá ˈgasso-, urruká yé ˈdu gáá ˈdiiyye, ˈgór hurt gaa boloyye. In aaléka mú gállé Yisirayelká ali ˈdú kaayye, giri mu gáál ririan-, gáál lés Misirayim yé gáá ˈdeđuo-, gáál mé ki yaalká.

Héberew 1:1

Waag héle kissóótíá hát burnayye-, met hí hol ká eiyyeká eshim eshimkúnno ˈdeemano shigiche. Waag ˈdeemlééllá gál muí ˈdeem ka shigieká ˈdaallé he ká nanadhe.

Héberew 1:2

Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.