Yuána 9:24 - Fayam Midhab Yiesu Kiristoká He Hol Af Iđiny Kaanaká

²⁴ Aalé gaal geđi máá biiy gaa argeká ká vie, geey, kieye, Ebá Waag ˈdúo, hé ˈdúwaká húógot. Nyiin íín máá kinaallá hát ađaabano ˈguoká nyáá nyí óg, gaalí mú yie.

Yuána 9:24 ပူးပေါင်းရင်းမြစ်များ

Márko 15:27

Gál éíy taaka-, naama-, buraallé mare úba gaalí ˈguor đarám ˈgieká ˈdú ˈdane. Mú tikiˈd gaalí Yíésu gíl ˈdaa naaniet koy, máátí gaalí mú gíl ˈdaa ˈjíbach koy. [

Lúka 15:2

Aalé gál Farisaayká ubaa gál nyatalaamká yiirsam fadhdhe, kieye, Máállá gál ađaabano ˈguoká hol ˈdoy, hol ˈgar golmoto, yie.

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 7:39

Máá giri Farisaay-, Yíésu kiereká héél argeká geerle ki tawue, kieye, Máállá máá Waag hí ˈdéé ka shigichoká onnônyka, hé minnééllá yaalmitlé he taal-, máálle ađááb ˈgúóllá hé óg, yie.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

Yuána 18:30

Gaal kieye, Mu onnônyka he ma ˈdeenenyka nyáá nyí ko ma ˈdu gáá egêny, yie.

Yuána 19:6

Gál guguđo-, suoryoká ubaa gállé kaansúoká tikiˈde mú aargiróóllá, kúóˈd ˈdoy, kieye, Mú ˈgór đarám yaalká ˈdug ˈdú yiesíe! Mú ˈgór đarám yaalká ˈdug ˈdú yiesíe! yie. Aalé Bilááto gáál ˈdéé hol ˈdú nie, kieye, Itín dhúrkícho mú eedhdhíe, mú ˈgór đarám yaalká ˈdug ˈdú yiesíe! Yú yáá hé muí ˈdeeney-, mú gaa argeká mán, yie.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 8:46

Itín mááya yú hát ađááb hileká ká hogodho? Tá har yú ˈdúúw hogodhoka, háteka hí ye iiy ma chegenal?

Yuána 8:49

Yíésu kieye, Yú yáá aryáán mán. Yú ˈJaa chia kikiadha, met gaa kekeme, tá itín íín erenyo hí ye kikicha.

Yuána 9:16

Gál Farisaay ˈbáál kieye, Máállá ˈdaa giri Kúlích Hef ˈGisanká nyátálle ma ki yaalinyká, hé gon Waag ma gáá yímen, yie. Gáál ˈbaal hí kieye, Mu har máá ađááb ˈguoká kátaka, mu háteeye hé gálaat af ˈdaˈdabsúóllá ekemeye? yie. Gaal đo hol af ká điidhe, eiy ˈgite.

Yuána 9:25

Aalé máá giriká kieye, Mu ađaabano ˈgaakaʼ, mánkaʼ, yáá muog. Tá hé yú ógká íín tikiˈde, yú érléká yáá in mannay, kor káána yáá biiy gaa arge, gáál yie.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Kí Edhesiny 11:13

Tá aadh ˈgás tikiˈde kinaal les súm mootoonne, ˈjien met tomon mé tikiˈd hí ˈgieˈgey, les ˈdane. Gáál shíí tiiya les motiny kinaal hí chies, tá gál ka ˈgiteká Waag Úr Iđoká kiadhe, ˈdúúw shie.