Yuána 8:47 - Fayam Midhab Yiesu Kiristoká He Hol Af Iđiny Kaanaká

⁴⁷ Máá Waag hí léká Waag ˈdeenyle hai maala. Itín ˈdaa giri hí Waag gálle muuninyká in Waag ˈdeenyle hí mé ma ki seseminy, Yíésu hí gáál yie.

Yuána 8:47 ပူးပေါင်းရင်းမြစ်များ

Yuána 12:48

Máá ye điidho-, ˈdeenychú iiy ma yeenká, hé héllé giri hí kúlích biiy el ˈdaˈdká gaa ˈdeđenset-, hí ˈdéé ki iđimuoká ˈguo. Hé kinaallá he ˈdeenychú.

Yuána 18:37

Bilááto kieye, Kuun a kinaalka, máá kansichaa! yie. Yíésu mú ˈdéé hol ˈdú nie, kieye, Yú hát kansichká kó hote. Yú ˈdaa kinaallá ˈdugaka in ˈdalidhe, lésallá ká yimie, giri ˈdúúw hogodhoká. Tá gál ˈdeeny ˈdúwaká ˈdaalle ki yaalká lulle af nee hai ye kokoo, yie.

Yuána 5:25

Yú geđi hí ˈdúúw geeye, bar ali hai kí ˈdeenne, tá káána hé úba ali kí ˈdiiyye, giri gál kúfach gaa ijoká Waag Inyle af maalo-, tá gaal Íny af maaleka loogolnotká.

Yuána 6:65

Aalé mu geđi gáál geey, kieye, ˈDaa kinaallá ˈdugaka in yú hí geey, yú kieye, Máádhat ˈdaab ˈJaachú hí ye ma ˈdu gáá éenyká, hé ye ma ˈdu gáá yiimen, yú hí yie.

Yuána 8:37

Itín hát hí hídh Abiraayamká yáá hí óg, kor ˈdaa giri hí ˈdeenychú ma ˈdú fafinyká, in hí tagkícho ˈdiiyye, hí ye chegese.

Yuána 8:43

Itín hé yú hí geđuoká háteka hí eiy ma nannasanal? Hééllá hí eiy ma nannasanallá he ˈdaa giri ˈdeeny chia yú hí geđuoká hí mé ma ki seseminyká.

Yuána 8:45

Tá yáá giri hí hé ˈdúwaká geđuoká it ˈdeenychú iiy ma chegen!

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.