Yuána 8:44 - Fayam Midhab Yiesu Kiristoká He Hol Af Iđiny Kaanaká

⁴⁴ Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Yuána 8:44 ပူးပေါင်းရင်းမြစ်များ

Matááyo 12:34

It ˈdálto chaaráal! Itín háteeye kerka hí hé ˈdúwaká hogoto, in hé gaa nyakarichká gerkícho koch háluke? Máádhat ˈdaaka hé hí geer gaa ijoká in he hogodho.

Matááyo 13:15

Gálallá hé tág met chúg, gaal hé mamaloká nee afo hol ki yegese, hé argoká hé ma arginy. Gálallá he gál onnônyka inle he ki kiimisat-, neelle he ki mamalo-, kasle he eiy ki nannasat-, ye hol ˈdu gáá nannaat-, yú biisuoká, chie-, Yisááya hí ˈdiiyimeká.

Matááyo 13:38

Les ˈguom hí gáá igitoká íín he lés ke ˈdú ijóóllá. Ár midhabká íín he gál Guch Waaˈgiet léká. Iish íín he kídhích kúnnaa Sátan gállé.

Yuána 6:70

Aalé Yíésu gáál ˈdéé hol ˈdú nie, kieye, It tomon a naamáállá, máá hí waaˈdeká hé yú muunîny? Tá itín mú tikiˈd har hí máá Satanaa! Yíésu hí gáál yie.

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

Yuána 8:38

Yú hé ˈJaachú gaa aargiroká in hogodho. Itín íín hé hí ˈjaakícho gaa mamalloká hí ekemeyche, Yíésu hí gáál yie.

Yuána 8:41

Itín hé ˈjaakícho hí ekemeyoká hí ekemeyche, Yíésu hí gáál yie. Gaal falme, kieye, Nyiin nyáá nyí um afoká muuniny, nyiin ˈJaakínyo tikiˈde, Waag tákáma, gaalí yie.

Yuána 8:55

Har káána itín hí mú móíytaka, yú yáá mú óg. Tá yáá mú muog, yú yieka, af kinaalka hát itín hí hódho lééllá yú úba yáá hódho lé. Yú íín yáá mú óg, mú ˈdeenyle ki yaal.

He Ekeny Gál Alb Fimiká 13:10

kieye, Kó Sátan inylé-, he lullé ˈdúwaká kídhíchléel! Hé hódhoká ubaa hé điđamoká lúl ˈgayyóol! Kó ˈgíérích ˈdúwa-, Máá Guđo-, lođuđugul yaalal riitisinyle ma haađîny?

He Ekeny Gál Alb Fimiká 24:9

Aalé gál Yuuˈdi máá ˈdéé hogodheká ˈdú fame, kieye, Hééllá lullé muí huogodhééllá hé ˈdúwa, yie.

He Ekeny Gál Alb Fimiká 5:3

Aalé Bétiro Ananías vie, kieye, Ananías, háteka Sátan ko hille-, kuun Hím Naasan Waaˈgiet nyimisate-, bíre giri les yiateká ˈdáá tikiˈd hát hinyamietká kaatéel?

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Bétiro ki Naamaká 2:4

Kíssóótíka, Waag hé gállé urru-, ˈgasso-, hí el af gaa tammeká ma hâny, hé gáál ál gaa dhát-, gaa ˈdér-, kúlích ˈdéé ki iđinyká hátlé ali ma kí ˈdíinyká gálaat hí ki maanyjawká ki hiigite.

Yuána Erká 1:8

Har ki kieye, hé ke nyuogim ubaa ađaabano mán ki yieka, af kinaalka hollo ki hol nyimite, ˈdeeny ˈdúwa-, Kiristóóllá hé gáál ma gaa iđiny.

Yuána Erká 2:21

Hééllá yú hí ˈdu gáá veerééllá hé kieye itín it ˈdeeny ˈdúwa-, Kiristóóllá muog muuniny, he ˈdaa giri itín hí ˈdeeny ˈdúwáállá ógká. Héétí úba ˈdeeny ˈdúwáállá hát hodho-, níínní hí yé gáá ˈdeˈdeen-, mánká hí ógká.

Yuána Erká 2:4

Máá kieye, Yáá mú óg, yeget-, kor mú hemuumuritle el ma gaa igirinyká, máá kinaallá he máá hódhollé-, ˈdeeny ˈdúwa-, Kiristóóllá hí ma gaa iđinyká.

Yuána Erká 3:12

Ha ke hát máá Satan Káyinlé-, nyárle yieská yéen. Tá mu íín háteka nyárle yiesal? Mu nyárle yiesallá he ˈdaa giri mu íín he eekemenyle ˈdeew-, mú nyárle íín he eekemenyle ˈdúwaká.

Yuána Erká 3:15

Máá nyárle nébká, he hát máá nyárle yies. Tá hát máá níínní gálaat yeges-, nyuogich ˈguo-, kor luolmit biiyoká hí gaa iđo-, mánká, it óg.

Yúúa 1:6

Hééllá onnônyka úba mé hí ká ˈgayya, hát gál ˈgasso-, Waaˈgiet-, urru-, giri állé hemuumuriti-, Waag hí gaa iđicheká ma gaa yíéđîny-, égetlé kinaal gíl sug ki hayká. Tá gaal íínííllá ˈdaab Kúlích Guđo-, Waag hí gálaat ˈdéé ki iđimichoká ali ma kí ˈdíinyká, hé Waag hí bííy gaa ongʼoˈdeká ki chirate, hí nyarugano biiyoká ki ˈdanne.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:14

Binich hé gáál af ˈdaˈdabsuo-, ekemeyo-, bíních erkobká gaa aargiróóllá ˈdaalleka in gáláát les ˈdug ˈdú ijoká ki nyiimita. Tá binich gáál he ki mure, giri gaal bíních faaˈd órofká hí muˈde-, liil onnônyká hí chegieská ˈgie-, kor bieká yaalmitle gaalí tág nannuoká.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.

Kí Edhesiny 9:11

ˈGamutaach kánsíchlé hí mé ki yaalká he ˈguoˈd gaa ˈdér-, el mé mánká máállé ˈgassoká. Mú meenyle af Heberewka he Ábadon, af Hellenka mú meenyle Abólyon.