Yuána 8:42 - Fayam Midhab Yiesu Kiristoká He Hol Af Iđiny Kaanaká

⁴² Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

Yuána 8:42 ပူးပေါင်းရင်းမြစ်များ

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 12:49

Tá yú yáá hé meenychú ma húógon, ˈJaa chia ye ali gáá kaayká in hé yú hogodhoká ubaa hé yú hí geđuoká ye kí mure.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 14:10

Hát yú ˈJaachú gaa ijo-, ˈJaachú íín ye gaa ijoká, kó iiy ma chéen? ˈDeem yú hí geđúóllá hé hé meenychú muuniny. ˈJaa chia ye gaa ijoká in hújíchle nannaa.

Yuána 16:30

Aaléka, hát kuun he lulle óg-, máá ko ˈdéé hol ˈdu gáá nannuo-, mánká nyáá nyí argiyye. Hééllá in hát kuun Waag gáá chimieká nyí iiy hoy, gaalí mú yie.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 3:17

Waag Inyle ali gáá kaayyééllá hé gálaat ˈdeđensetoká ma ka múriny, Íny ˈdaalle gálaat rubach ki shigichoká he feˈde.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 5:43

Yú meeny ˈJaa chia kí yimie, kor itín it ye điite. Tá máá éíy taaka meenyle kí yimieka, đo iiyyo hí chie.

Yuána 8:14

Aalé Yíésu gáál ˈdéé hol ˈdú nie, kieye, Har káána yú hol ˈduuwchú ˈdú hogodhoka, ˈdaa giri yú ál gáá yimieká ubaa ál seseenká ógká, hol ˈdúúw ˈdú huogon chiallá hé ˈdúwa. Tá itín íín it ál yú gáá yimieká ubaa ál yú seseenká muog.

Korínto Erká 16:22

Máá Máá kúnnaa Guđóóllá ma geelnenyká hí ˈdortó argo. Máá kínyaa Guđóóllo, ka ˈjé!

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.