Yuána 8:39 - Fayam Midhab Yiesu Kiristoká He Hol Af Iđiny Kaanaká

³⁹ Gaal đo kieye, ˈJaakínyo he Abirááyam, gaalí yie. Aalé Yíésu gáál geey, kieye, Itín har hí um Abiraayam kátaka, onnônyka hé midhab Abirááyam hí eekemeyká hí ekemeyche.

Yuána 8:39 ပူးပေါင်းရင်းမြစ်များ

Matááyo 3:9

Tá haí taawûny, hí hol geđîny, hí kieye, ˈJaakúnno he Abirááyam, hí chégen. Yú hí geeye, Waag hé fargogint waarééllá um Abiraayam ki hođichoká ˈgayyo.

Matááyo 5:45

giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká.

Yuána 8:33

Aalé gál Farisaay Yíésu oosle ˈgieká Yíésu geey, kieye, Nyiin nyí hídh Abiraayam, nyáá nyí kálta gálaat nyí mé les ma ki tíiny, nyí géde ma hóson. Tá háteeye, kúún kieye, hé kinaallá mé haí fuura, nyí chegedhe? gaalí Yíésu yie.

Yuána 8:37

Itín hát hí hídh Abiraayamká yáá hí óg, kor ˈdaa giri hí ˈdeenychú ma ˈdú fafinyká, in hí tagkícho ˈdiiyye, hí ye chegese.

Yuána 8:43

Itín hé yú hí geđuoká háteka hí eiy ma nannasanal? Hééllá hí eiy ma nannasanallá he ˈdaa giri ˈdeeny chia yú hí geđuoká hí mé ma ki seseminyká.

Yuána 8:56

ˈJaa kíchia Abirááyam hé ˈjímchú gófle ˈgie. Mu ˈjímchú argeká, hé súm geer hí gaa meedhe, Yíésu hí yie.

Róóma 4:12

Eshi eshim kúnnaa Abirááyam íín úba gál hermisat-, Kirísto iiy yíéllá ˈjaallé. Gálallá he gál Yuuˈdi iiy yeen Abirááyam íín hátlé ma hermísanká hí ˈgieká ˈguoká.

Róóma 4:16

Aaléka, he af iđiny Waag hí Abirááyam af iđiche kinaallá iiy yeen ˈdaallé he ká nannaata. He af iđinyééllá ˈdúˈjím Waaˈgieto he yé gáá ˈdeˈdeenne. He af iđinyééllá hé gál Waag hí hemuumurít ka shiicheká tákámle hí ma lileny, gál iiy yeen Abirááyam hí ˈgieká ˈgúóllá úba haí aargira, ˈdaa giri Abirááyam gál Waag iiy yegetká lulle ˈjaalléká.

Róóma 9:7

Héétí ameeny gál ˈbíl íl Abiraayam yé gáá ˈdíéllá ˈbaal tákáma hí um Abiraayam. Waag Abirááyam geeyche, kieye, ˈBíl ílkú iny kua Yísako he hol gáá hođicha, chie.

Galátia 3:29

Itín har hí gál Kiristo kátaka, af kinaalka hí um Abiraayam, um ˈdúˈjím Waag hí Abirááyam af iđicheká aargiroká.

Galátia 3:7

Aaléka, onnóo, gál Waag iiy yieká ííni he um Abiraayam.