Yuána 8:21 - Fayam Midhab Yiesu Kiristoká He Hol Af Iđiny Kaanaká

²¹ Aalé Yíésu geđi gáál geey, kieye, Yú ali ha gaa seeme, tá itín hollo hí ye hol gaa ˈgeˈgete, kor ađaabanokícho haí ki kufunanna. Ál yú mé nannuoká it hát níínní hí ka chimetká mán, gáál yie.

Yuána 8:21 ပူးပေါင်းရင်းမြစ်များ

Matááyo 23:39

Aaléka yú hí geeye, it geđi ye ma aargiriny, ˈdaab hí ye ma árginy-, hí kieye, Máá meeny Máá Guđo Waag kí yimíéllá Waag hí ˈdú ˈguunuan, hí ma chéenká, Yíésu hí gáál yie.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Yuána 12:33

Mu hatallá yíéllá kúfáchlé he kufunanká gáál geđia.

Yuána 12:35

Aalé Yíésu gáál geey, kieye, Edhum rámlé ka ˈgite-, hí hol af iđaká hé iraam ká ˈdabiyye. Édhum hátlé hí hol ˈgayya, bííy gaa dhátká hí el ma ˈdug gáá hílinyallá hol gaa seesemíe. Máá bííy gaa ongʼoˈdeká gaa seseenká hé ál he nannaatká muog.

Yuána 13:33

Ummo, yú aadh ˈgas ninniká tákáma ke hol af ija. Hát giri yú gál Yuuˈdi geeyká in yú hí geđia, itín úba hollo hí ye hol gaa ˈgeˈgete. Tá ál yú mé nannuoká it ál níínní hí kí ˈdiiyyaká mán.

Yuána 7:34

Itín gil kíchia hí ye hol gaa ˈgeˈgete, kor it ye ma aargiriny. It ál yú gaa ijoká ál níínní hí kí ˈdiiyyaká mán, muí gáál yie.

Yuána 7:36

Hé mu kieye, Itín gil kíchia hí ye hol gaa ˈgeˈgete, kor it ye ma aargiriny, it ál yú gaa ijoká ál níínní hí kí ˈdiiyyaká mán, muí yíéllá, hélle meete? gaalí hol yie.

Yuána 8:24

Yú yáá hí geey, ađaabanokícho haí ki kufunanna, yáá hí yie. Itín yú hát he yúká hí iiy ma cheenka, ađaabanokícho gon haí ki kufunanna, Yíésu hí gáál yie.

Eféso 2:1

Itín érlé-, hí Waag af đuˈdute-, hí ađaabano gaa seseenneká bár kinaalláka hí gál kufachiet.