Yuána 8:20 - Fayam Midhab Yiesu Kiristoká He Hol Af Iđiny Kaanaká

²⁰ ˈDeenyééllá af giri mu ˈBíl Waaˈgietká álle gálaat he gaa oonisieká muí hodhe. Mu af kinaallá ál gálaat hí héllé shiichoká hol ˈdu sisidhoká he láá ije. Tá ˈdaa giri mú aleđuđugulle ali ma kí ˈdíinyká, mú hé máá níínní hí ˈgiliˈgayká mán.

Yuána 8:20 ပူးပေါင်းရင်းမြစ်များ

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Matááyo 27:6

Aalé gál guguđo-, suoryoká bíre kinaal eedhdhe, kieye, Bíre gaalí kúfách máádhat ka hidhdhééllá ke sanˈdug bire-, ˈBíl Waaˈgietká fieka, nyátálkúnnoka hé tagle muuniny, gaalí hol yie.

Márko 12:41

Yíésu ˈBíl Waaˈgiet gaa ijeká, ál gaalí bíre fafieká láá yíéđie. Gál sanˈdúg bíre fafieká dhaay. Gál burnay-, kaamúreká birm iigilishká ali fie.

Márko 12:43

Yíésu lalille ká vie, kieye, Yú hí hé ˈdúwaká geeye, min he mán-, hiyesidhééllá hé ali fiiyyeká hé gálallá hí ali fieká lulle ˈdú guđo.

Lúka 20:19

Aalé gál nyatalaamká ubaa gál guguđo-, suoryoká ˈdaa giri hibéél muí gáál ˈdaalle ki hodhe-, gaalí ógká, gaal ál tikiˈde kinaallá ˈgíérích mú ki ˈgiiliˈgawká hol gaa ˈgeˈgedhe, kor gaal gál mú af nee kokoyká kiadhe.

Lúka 21:1

Yíésu hátlé ˈBíl Waaˈgiet gaa ijeká, mu gál kaamúre-, birmlé shiicho-, Waag shigieká sanˈdug ˈBíl Waaˈgiet fafieká dhaay.

Yuána 10:39

Aalé gaal geđi mú ˈgiliˈgany gaa ˈgeˈgedhe, mu đo gáál mé af ˈgite.

Yuána 2:4

Yíésu ˈjielle ˈdéé hol ˈdú nie, kieye, ˈJíe, ye hash! Háte ye hatal geđichóol? Aleđuđugulchú hátle hé ali ma kí ˈdíiny, yie.

Yuána 7:14

Aalé ˈjila gaalí ká naate-, toom ka ˈdoyyeká Yíésu ˈBíl Waaˈgietká nyáláárle geer hile, gálaat he onisie.

Yuána 7:30

Mu ˈdeenyééllá tákáma hodhe, gál guguđo-, Yuuˈdiká đo mú ˈgiliˈgany gaa ˈgeˈgedhe, kor ˈdaa giri mú aleđuđugulle ali ma kí ˈdíinyká gaal hé máá níínní mú đig yieká mán.

Yuána 7:44

Gáál ˈbaal mú ˈgiliˈganyo he fede, kor mú hé máá níínní hí đig yieká mán.

Yuána 7:8

Itín ˈjila bííyle mé náa. Yú yáá káánallá ma seeminy, ˈdaa giri hééllá aleđuđugulchú muuninyká, Yíésu hí gáál yie.

Yuána 8:2

Bur biiy ká biˈdeká, Yíésu ˈjien hol ˈdú nadhe, geđi ˈBíl Waaˈgietká nyáláárle geer hile. Mú gálaat lulle hí ki made, mu đo les yíéđie, gáál he onisie.

Yuána 8:59

Gaal héél tákáma maale, đo waar giri mú ki tutunoká shuunne, Yíésu đo gáál mé af ˈgite, ˈBíl Waaˈgietká náble yé gaa ˈdie.