Yuána 8:19 - Fayam Midhab Yiesu Kiristoká He Hol Af Iđiny Kaanaká

¹⁹ Aalé gaal mú heete, kieye, ˈJaakú aake? gaalí mú yie. Yíésu gáál ˈdéé hol ˈdú nie, kieye, Ití ye muog, ˈJaachú úba it muog. Itín hí ye onnônyka, it ˈJaachú úba óg, muí gáál yie.

Yuána 8:19 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Yuána 1:10

Édhúmallá hé lésallá gaa ije. Mu íínííllá har úba les hí ˈdaalle ká naate-, les hí ki iđoka, les gálle hé mú ali gaa moonnodhe.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 15:21

ˈDaa giri itín hí gálchú-, ubaa Máá ye ali gáá kaayká gaalí muogká, in gaalí hatallá maanyjasia.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 7:28

Aalé Yíésu hátlé giri gálaat ˈBíl Waaˈgietká nyáláárle geer he gaa oonisieká af gaa guđoká ˈdéé ki hodhe, kieye, Itín it ye óg, ál yú gáá yimieká úba it óg. Tá yú yáá meenychú ma kí yímen. Máá ye ali gáá kaay-, itín hí muogká, hé tág ˈdúwa.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Galátia 4:9

Aalé káána it Waag óg. Hé kinaallá a mé ˈdaatí Waag hé hí óg. Tá háteka geđi nyatalaam ˈdúúw mán-, hí ađaabanokícho ma gaa egenyallá hí bala ˈdú niiyyéel? Nyatalaaméél geđi hí gedelle chegetoká hí féˈde?

Eféso 1:17

Máá kúnnaa Guđo-, Yiesu Kirísto ˈJaallé Waag ˈdúúw ˈguoká taalle ha yú rogonmo, giri muí Hím Naasan ˈdaalimo-, ubaa he hol eiy gaa naasanká ká shiguo-, tá hí mú hát ˈdabaanká eiy nannasatoká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:15

Waag ki ma arginyallá Inylé Kirísto ke argeka, hát hé ke íín arge. Iny íínííllá he lullé Waag hí ka kuonnééllá máállé hí mé ki yaalká.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Yuána Erká 2:23

Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.