Yuána 8:12 - Fayam Midhab Yiesu Kiristoká He Hol Af Iđiny Kaanaká

¹² Yíésu geđi gálaat ki ˈdiiyime, kieye, Yú he édhúm lésallá ka yimieká. Máá ye el gáá veeroká hé geđi bííy gaa ongʼoˈdeká ma gaa seseminy, édhúm gálaat luolmít shiguoká he ˈgaa, yie.

Yuána 8:12 ပူးပေါင်းရင်းမြစ်များ

Matááyo 5:14

Hát ény gaalí gúm mé ˈdug gaa ˈdisse-, ereny mánkáka itín hí lésallá édhúmlé.

Lúka 2:32

Rúbáchallá he édhúm kidh lulle hé kua ˈdúwaká aargisuo-, héétí gál kua Yisirayel gaa verenoká, Símion hí yie.

Yuána 12:35

Aalé Yíésu gáál geey, kieye, Edhum rámlé ka ˈgite-, hí hol af iđaká hé iraam ká ˈdabiyye. Édhum hátlé hí hol ˈgayya, bííy gaa dhátká hí el ma ˈdug gáá hílinyallá hol gaa seesemíe. Máá bííy gaa ongʼoˈdeká gaa seseenká hé ál he nannaatká muog.

Yuána 12:36

Édhum hátlé hí hol ˈgayyáállá, édhum iiy yiedhíe, giri hí um edhum chegetoká, Yíésu hí gáál yie. Yíésu ˈdéé beeteká đo gáál mé af ˈgite, ali gaa sedhe.

Yuána 12:46

Yú lésallá ka yimíéllá he édhum, giri máá ye iiy yegetká bííy gaa ongʼoˈdeká ma gaa yíéđiminyká.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 3:19

Waag gálaat ˈdeensenle hé igiˈdoká hééllá: Waag édhúmlé ˈdúwaká íín hé les ká hile, kor ˈdaa giri gálaat héllé ekemeyoká lúl gaa nyakarichká, gaal hé édhum ma géélnen, gaal bííy gaa ongʼoˈdeká he geelney.

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

Yuána 9:5

ˈDaab yú lésallá gaa ijóóllá yú he les édhúmlé, Yíésu hí gáál yie.

He Ekeny Gál Alb Fimiká 13:47

Waag ˈdeeny ˈdaakínyoka hoteká hééllá, kieye, Yáá ko kidh met gaa koy, giri kuun édhúm kidh in kakawká cheget-, kuun rubach les lúl nyuorsichoká, he chie, mú Baulo hí gáál yie.

He Ekeny Gál Alb Fimiká 26:23

ˈDeeny kinaallá kieye, Messíya ha gaalí maanyjasia, tá mu íín he máá erkob uushich yé gáá ˈdeˈdeen-, gállé Yuuˈdiká ubaa gál kidhdhoká ˈdaalim Waaˈgiet ki ˈdiyeenká, he yie, Báulo hí mú yie.

Bétiro ki Naamaká 2:17

Gál hođomlééllá he hát haˈd bie mánká ubaa hát nyáˈdow guđo-, wááních fargogoká hí el mé gaa chichirat-, ír hí gáá tutuno mánká. Gálallá ál súm gaa ongʼoˈdeká hí met egete.

Bétiro ki Naamaká 2:4

Kíssóótíka, Waag hé gállé urru-, ˈgasso-, hí el af gaa tammeká ma hâny, hé gáál ál gaa dhát-, gaa ˈdér-, kúlích ˈdéé ki iđinyká hátlé ali ma kí ˈdíinyká gálaat hí ki maanyjawká ki hiigite.

Yuána Erká 1:6

Har ki kieye, hé ke Waag hol ˈdú fame, ke yeget-, kor ke bííy gaa ongʼoˈdeká gaa seseenka, af kinaalka hódho ke hogodho, hé ke hé ˈdúwaká ma ekemeny.

Yúúa 1:13

Hát tikiˈde húđúm basietká oshony lalaannallá in gálallá kern mantle úba ká eedhesia. Gálallá hát hidhino hol gaa seseen-, Waag hí ál súm gaa ongʼoˈdeká taak ki koyyeká.

Yúúa 1:6

Hééllá onnônyka úba mé hí ká ˈgayya, hát gál ˈgasso-, Waaˈgiet-, urru-, giri állé hemuumuriti-, Waag hí gaa iđicheká ma gaa yíéđîny-, égetlé kinaal gíl sug ki hayká. Tá gaal íínííllá ˈdaab Kúlích Guđo-, Waag hí gálaat ˈdéé ki iđimichoká ali ma kí ˈdíinyká, hé Waag hí bííy gaa ongʼoˈdeká ki chirate, hí nyarugano biiyoká ki ˈdanne.

Kí Edhesiny 21:24

Kidh lulle ˈjienééllá édhúmle hai ki seseme. Héétí les gállé kaansúoká ˈjienééllá hai higila, ˈjien ˈdúúw hai shigia.