Yuána 7:39 - Fayam Midhab Yiesu Kiristoká He Hol Af Iđiny Kaanaká

³⁹ ˈDeeny Yíésu hí huogodhééllá he ˈdeeny Hím Naasan Waaˈgietle gál mú iiy yieká hí aargiroká. Yíésu ˈdeenyééllá hogodheká Waag hé hátle Hím Naasanle gál Yíésu iiy yieká ma shíiny, ˈdaa giri Yíésu hátle ˈgór ma ˈdú kúfiny-, uushich yé ma gáá ˈdíiny-, bííy ˈJaalle mé ma níinyká.

Yuána 7:39 ပူးပေါင်းရင်းမြစ်များ

Matááyo 16:14

Gaal mú ˈdéé hol ˈdú nie, kieye, Gálaat ˈbáál kuun Yuána gálaat bie gim nannieká he ko yegedhe, gáál ˈbáál Elíya ko yegedhe. Héétí gáál ˈbáál kuun Yeremía, muuninyka, gál Waag hí ˈdeem ka shigicheká mú tikiˈde ko yegedhe, gaalí yie.

Matááyo 21:11

Nyésébích Yíésu hol ˈgieká ˈbaal kieye, Hééllá máá Waag hí ˈdeem ka shigicho-, Yíésu lé-, máá ény Nasaret-, Galilaayaká, yiegie.

Lúka 24:49

Bá dhaayyíe, hé ˈJaachú hí af iđieká ali ha yú hí ˈdu gáá kakaa. ˈDaab fargogint Waag hí úr gáá shigichoká hí ma árginyká ˈjienééllá gaa yíéđía! Yíésu hí gáál yie.

Lúka 3:16

Aalé Yuána gáál geey, kieye, Yú tuuˈdchú íín bie hí gim nannaa. Tá máá ye far ˈdú gogoká hai ká yiimedhe. Yáá ˈduuw ˈguo-, mú koiyle saawle fuuroká mán. Máá kinaallá íín Hím Naasan Waaˈgiet ubaa ˈjiete hí gim nannaa.

Lúka 7:16

Gaal lulle he a ˈdabe, Waag meey, kieye, Máá Guđo-, Waag hí ˈdéé ka shigichoká hé gáál hurt yé gáá ˈdie. Waag hé ká leete, gálle ˈdú ˈjiiyye, gaalí yie.

Yuána 1:21

Aaléka, gaal mú yiete, kieye, Tá kuun mááya? Kuun he Elíya? gaalí yie. Yuána kieye, Yú yáá máá kinaallá muuniny. Gaal geđi mú yiete, kieye, Kuun he Máá giri Waag hí ˈdeem ka shigichoká? yie. Mu gáál ˈdéé hol ˈdú nie, Híʼi, yie.

Yuána 1:25

mú yiete, kieye, Kuun in Messíya máámaʼ, Elíya máámaʼ, Máá giri Waag hí ˈdéé ka shigichoká in úba muuniny háluke, tá háteka gálaat bie gim nanniyyóol? mú yie.

Yuána 1:33

Yú yáá onnônyka mú ma kiimísan, tá Máá ye ali gáá kaay-, kieye, Gálaat bie gim náánnaʼ, ye yieká, ye geey, kieye, Máá Hím Naasan Waaˈgiet úr gáá leletoká hí ˈdú yíéđiyyo-, argiyyoká, máá kinaallá he máá gálaat Hím Naasan Waaˈgiet gim nannuoká, hí ye yie.

Yuána 12:16

Lali Yiesu af giri héél hatal ˈdieká hé ˈdeeny Warˈgat Waaˈgiet hí kis ˈdaa Yiesu ki hotééllá hé eiy ma náásan. Héétí gaal úba hé gálaat hí Yíésu ki ekemeyóóllá hát ˈdéé hót hí hogotoká hé eiy ma náásan. Yíésu Waag hí uushich yé gáá ˈdeeyche-, hí gúch koyyeká el ˈdaallá in gaal hééllá lulle eiy naate.

Yuána 12:23

Yíésu gáál ˈdéé hol ˈdú nie, kieye, Aleđuđugul Iny Máádhat hí gaa ˈduuwawká hé ali kí ˈdiiyye.

Yuána 14:13

Aalé hé hí meenychú ˈdaalle ki hegesetoká roogle met ha yú hí gaa egedhdhe, giri yáá Ínyííllá ˈJaachú ˈdúúw egeetká.

Yuána 14:26

Tá Máá hí rangʼite-, Hím Naasan Waaˈgietlé-, ˈdaa meenychúka, ˈJaachú hí ali ˈdu gáá kakawká, he lulle haí oonisia, he met lullé yú hí geeyká táb haí kí gagadha.

Yuána 16:14

Mu héchú met hai ye gáá egedhdhe, haí ˈdu gáá siidha, eiy haí kí nannaa. Yaalmitééllá in mu ye ˈduuwasia.

Yuána 16:7

Tá yú hí hé ˈdúwaká geeye, kímchú hé hí ki midhab. Har yú ma kiinyka, Máá hí rangʼit yegetká hé hí ma ˈdu gáá yiimen. Tá yú sedheka, mú ali ha yú hí ˈdu gáá kakaa.

Yuána 17:1

Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

Yuána 17:5

Aalé, Baabá, ye ˈduuw héle les hátle biiy gaa mannayyeká yú ubaa kuun ke hol ka ˈgieká, ye káánallá ki ˈdúwash.

Yuána 20:22

Mu hatal yieká đo Hím Naasanle gáál ki nie, kieye, Hím Naasan Waaˈgiet hí hillo.

Yuána 6:14

Aalé nyesebich hé Yíésu hí ekey kinaal arge-, he af ˈdabeká kieye, Hééllá gon Máá Waag hí ˈdéé ká shigicho-, Warˈgat Waaˈgiet hí hote-, lésallá ka yiimetká.

Yuána 7:12

Nyésébích ál kinaal ijeká gál gúúđo Yíésu ˈdaalle ˈdugaka hol a les ki geey. Gáál ˈbáál kieye, Mu he máá ˈdúwaká. Gáál ˈbáál kieye, Hé muuniny! Mu gálaato nyiimita, gaalí yie.

Yuána 8:54

Yíésu gáál ˈdéé hol ˈdú nie, kieye, Yú har hol ˈduuwasuoka, af kinaalka ˈduuwchú hé kátaká mán. Máá ye ˈduuwasuoká he ˈJaa chia hí hol bal ki ˈdaraanna-, hí Waagkínyo chegetallá.

He Ekeny Gál Alb Fimiká 19:2

Mu gáál yiete, kieye, Af giri hí Yíésu iiy chieká it Hím Naasan Waaˈgiet hí ˈdú gáá leete? muí gáál yie. Aalé gaal mú ˈdéé hol ˈdú nie, kieye, Hím Naasan Waaˈgiet hát biiy gaa iđoká nyáá nyí nétle mán, gaalí mú yie.

He Ekeny Gál Alb Fimiká 2:17

Waag kieye, Bár giri biiy el ˈdaˈd hí ká ˈjoobonotká Hím Naasanchú gálaat lulle ha yú ˈdú leesia. Nyígéénykícho ubaa hadakícho ˈdeeny yú shiguoká hai ˈdiyime, gál kíchia rúóre yaabká ˈdeeny ˈdaachú yé gáá ˈdeˈdeenká hai aargira. Gál kíchia káru yaabká amádh ha yú shigia, hai aamadhma.

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 2:4

Gaal lulléká Hím Naasan Waaˈgiet hí koch chie, gaal lulle af hol ká eiyye-, Hím Naasan Waaˈgiet hí shiicheká ˈdeem ki huogodhe.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

He Ekeny Gál Alb Fimiká 4:31

Aalé gáál Waag visan hí gaa đuyyeká ál gaalí hol ˈdú gáá yimie kinaal motiyye. Gáál lulle Hím Naasan Waaˈgiet hí koch chie, gaal ˈdeeny Waaˈgiet nyaalím ki huogodhe.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto ki Naamaká 3:8

He hol af iđiny kaana-, Hím Naasan Waaˈgiet ki taalallá ˈduuwle hé hol af iđiny kisso-, hemuumurít ki taalallá af mé ma iđiny?

Eféso 4:30

Haí Hím Naasan Waaˈgiet geer gaa ˈdeđenêny. Waag hé hí Hím Naasanlé kinaallá ki guyye. Aaléka, Hím Naasan Waaˈgiet afo hí hol yíéđianna, ˈjíig kúlích giri Waag hí gálle gaa riannoká đig.