Yuána 7:37 - Fayam Midhab Yiesu Kiristoká He Hol Af Iđiny Kaanaká

³⁷ Aalé ˈjila kúlíchlé biiy el ˈdaˈd-, fargogiyyoká ali kí ˈdiiyyeká Yíésu les gaa kie, af gaa guđoká ˈdéé ki huogodhe, kieye, Máádhat har báre ˈguoka, hí ye ˈdu gáá yimet, hí bíé luolmitiká ˈjio.

Yuána 7:37 ပူးပေါင်းရင်းမြစ်များ

Matááyo 11:28

Yíésu gáál geey, kieye, It aayaˈgiyya-, ilsh lesalloká hí chiesallá ye ˈdu gáá yimedhíe, hí héf ˈgidhia.

Matááyo 3:3

Yuánáállá he máá Waag máállé ˈdeem ka shigiche-, Yisááya léká hí ˈdeenyle hodhe-, mu kieye, Kóˈd máádhat ˈbakat hai gáá ˈgiˈgita, kóˈd kieye, Máá Guđoká les met ˈdiidháa, mú ˈgierimle lođuđaat kóo, yegetká, yieká.

Matááyo 5:6

Gál hát Waag hí feˈdoká kuoˈdle ubaa barmle hí yegeská hé Waag hí ˈdú ˈjeˈjeenno, Waag hí fafaˈgsicho.

Yuána 1:23

Aalé Yuána kieye, Yú he ˈdéé hót ˈbakat gáá ˈgiˈgite-, kieye, ˈGíérích Máá Guđoká lođuđugul kóo, chegie-, Waag máállé ˈdéé ka shigiche-, Yisááya hí ˈdeenyle hodheká, yie.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 4:10

Yíésu min ˈdéé hol ˈdú nie, kieye, Kuun har hé shiicho Waag hí gálaat shigichoká ubaa máá ko geđuo-, ye bie shíish yíéllá onnônyka, kó onnônyka mú heesete, mu ko bíé gálaat luolmít shiguoká shie, Yíésu hí yie.

Yuána 4:11

Aalé min mú heesete, kieye, Máá Guđo, eel in gaa ˈder, kuun hé bie kí armisatoká in man háluke, tá bíé gálaat luolmít shiguoká ále gáá egeyye?

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 5:40

He veerít har úba ˈduuwchú hogotoka, it hí ye ˈdu gáá chiimeto-, hí luolmit biiyoká aargiˈdoká ma fediny.

Yuána 6:35

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:55

Gónchú he ˈguom ˈdúwaká, fáschú he hé imi-, ˈdúwaká.

Yuána 7:28

Aalé Yíésu hátlé giri gálaat ˈBíl Waaˈgietká nyáláárle geer he gaa oonisieká af gaa guđoká ˈdéé ki hodhe, kieye, Itín it ye óg, ál yú gáá yimieká úba it óg. Tá yú yáá meenychú ma kí yímen. Máá ye ali gáá kaay-, itín hí muogká, hé tág ˈdúwa.

Korínto Erká 10:21

Itín kulu Máá kúnnaa Guđoká hí he gaa igian-, tá geđi hí kulu aryaan úba he gaa igiannoka, hé kinaallá hé tagle muuniny. Héétí, Máá kúnnaa Guđoká gólólle hí golmosoto-, tá geđi hí aryáán gólólle golmosotoka, hé kinaallá úba hé tagle muuniny.

Korínto Erká 10:4

Héétí gaal lulle úba hé imi tikiˈde-, urietká ˈjie. Hé imi uriet kinaallá nyátáábá uriet-, gáál hol ˈgie-, hol ˈgar sesemeká he yé gáá ˈdie. Nyátáábá kinaallá íín he Kirísto.

Korínto Erká 11:25

Hát tikiˈdéél, gáál golol hí gaa đueká, mu kulu ˈduuny vinna hí gaa ijeká eedhdhe, kieye, Kulúúllá he he hol af iđiny kaana-, fas chialloká. Kulúúllá taalle hí igiannoká, ye táb ˈduoˈdodhíe, yie.

Korínto Erká 12:13

Múúni ke gál Yuuˈdi yíekaʼ, ke gál gál Yuuˈdi muuninyká yíekaʼ, héétí ke gál gédeká yíekaʼ, ke gál géde muuninyká yíekaʼ, lul kúnnaallá ke Hím Naasan Waaˈgiet tikiˈdééllá gim nadhe, ke gál gon tikiˈdeká yie, Waag Hím Naasanlé tikiˈdééllá hé muun gáál gaa iđiche.

Eféso 5:18

Bersh haí fafáminy, bersh hí faanneka, bersh gál hol ma momonyká haí hođicha. Kalat Hím Naasan Waaˈgiet hí koch cheet.

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.