Yuána 7:36 - Fayam Midhab Yiesu Kiristoká He Hol Af Iđiny Kaanaká

³⁶ Hé mu kieye, Itín gil kíchia hí ye hol gaa ˈgeˈgete, kor it ye ma aargiriny, it ál yú gaa ijoká ál níínní hí kí ˈdiiyyaká mán, muí yíéllá, hélle meete? gaalí hol yie.

Yuána 7:36 ပူးပေါင်းရင်းမြစ်များ

Yuána 12:34

Nyesebich kieye, Warˈgat Waaˈgiet hé nyí gaa maaleká kieye, Messíya bííyyo ali he ija, he chie. Tá háte geđi kúún kieye, Iny Máádhat lesso gaalí gaa egee? chegedhe. Iny Máádhátallá he mááya? gaalí mú yie.

Yuána 13:33

Ummo, yú aadh ˈgas ninniká tákáma ke hol af ija. Hát giri yú gál Yuuˈdi geeyká in yú hí geđia, itín úba hollo hí ye hol gaa ˈgeˈgete. Tá ál yú mé nannuoká it ál níínní hí kí ˈdiiyyaká mán.

Yuána 3:4

Aalé Nikoˈdémos mú yiete, kieye, Máá guđandheká háteeye geđi kí ˈdalmidha? Máádhat hé hát níínní ˈjielle geer higilo-, tá geđi kí ˈdalmaatká mán, yie.

Yuána 3:9

Aalé Nikoˈdémos mú yiete, kieye, Héél kor háteeye? yie.

Yuána 6:41

Aalé ˈdaa giri Yíésu kieye, Yú he balasha úr gáá chimieká, yieká, gál guguđo-, Yuuˈdiká đo yiirsam fadhdhe.

Yuána 6:52

Aalé gál guguđo-, Yuuˈdiká hol ki falme, lole, kieye, Máállá háteeye gáál gónle ká shigia, gon ki kokoo? yie.

Yuána 6:60

Aalé lali ilish Yíésu el gaa veereká mú he onisinyléél maaleká gál gúúđo kieye, He onisiny fargogiyyóól, mááya hí iiy yeedhe? gaalí yie.

Yuána 7:34

Itín gil kíchia hí ye hol gaa ˈgeˈgete, kor it ye ma aargiriny. It ál yú gaa ijoká ál níínní hí kí ˈdiiyyaká mán, muí gáál yie.

Yuána 8:21

Aalé Yíésu geđi gáál geey, kieye, Yú ali ha gaa seeme, tá itín hollo hí ye hol gaa ˈgeˈgete, kor ađaabanokícho haí ki kufunanna. Ál yú mé nannuoká it hát níínní hí ka chimetká mán, gáál yie.

Korínto Erká 2:14

Tá máá Hím Naasan Waaˈgiet mánká, hé Hím Naasan Waaˈgietallá hélle ma aargiriny. Máá hat kinaalloká mu íínka Hím Naasan Waaˈgietallá hélle hé đeeymo, hé muí eiy ma nanasan. Máá Hím Naasan Waaˈgiet ˈguoká tákáma Hím Naasan Waaˈgiet hélle eiy nannata.