Yuána 7:35 - Fayam Midhab Yiesu Kiristoká He Hol Af Iđiny Kaanaká

³⁵ Aalé gál giri guguđo-, Yuuˈdiká hol yiete, kieye, Ál máállá hí seseen-, ke mú ma gaa aargirinyallá ále? Mu kidh gálkúnno hí bash ki yíétí he bííyle mé nannaa, he oonisía?

Yuána 7:35 ပူးပေါင်းရင်းမြစ်များ

Matááyo 12:21

Tá kidh lulle mú bala hai ˈdú nannaa, mú iiy hai yeedhe, chieká.

Lúka 2:32

Rúbáchallá he édhúm kidh lulle hé kua ˈdúwaká aargisuo-, héétí gál kua Yisirayel gaa verenoká, Símion hí yie.

Yuána 12:20

Aaléka, gál ˈjila álle mé nie-, Waag viviteká hé gál gál Yuuˈdi muuninyká ˈbaal hí gaa ije.

Yuána 7:1

Hééllá el ˈdaal Yíésu đo Galilááyalle gaa yíéđie, ˈjien totom gaa seeseme. Mu ˈdaa giri gál guguđo-, Yuuˈdiká hí oosle ˈgieká mu hé lés Yuuˈdia ma síen.

Yuána 8:22

ˈDéé umut kinaallá gál guguđo-, Yuuˈdiká tawuny gaa koyye, gaal hol yiete, kieye, Hé mu kieye, Ál yú mé nannuoká it hát níínní hí ka chimetká mán, muí yíéllá, mu kor hollo hol yegese? gaalí hol yie.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 11:20

Aalé gál Yerúsalem kar gaa ˈdane-, Ántiok mé nieká ˈdáá tikiˈd hí gál lés Kuburos, ˈbaal hí gál ˈjien Kurene. Gál kinaallá ˈjien Antiok kí fameká gál kídh Hellen Máá Guđo Yíésu Fayamlé Midhabká úba shie.

He Ekeny Gál Alb Fimiká 14:1

ˈJien Ikonio álle Báulo ubaa Barnábas hátlé aađaká gál Yuuˈdi ˈbíllé ˈdiiyiminyká hile. Gaal hát ˈdabaanká ˈdéé huogodhe. Gál Yuuˈdi burnayká ubaa gál Hellen burnayká ˈdéé iiy yie.

He Ekeny Gál Alb Fimiká 17:4

Aalé gál Yuuˈdi-, ˈdáá tikiˈd ubaa gál burnay Hellen-, Waag kikiatká ubaa ˈdeglé luuteká ˈdeeny Báulo ubaa Sílas hí huogodheká iiy yie, gáál ˈdú fame.

He Ekeny Gál Alb Fimiká 18:4

Báulo ˈjien Korinto kinaal bar lulle Kúlích Hef ˈGisanká ˈbíl ˈdiiyiminyká seeseme. Mu fayam Yiesu gálaat ki ˈdiiyime, gál Yuuˈdi ubaa gál Hellen ˈdéé af gaa kuokoy.

He Ekeny Gál Alb Fimiká 21:21

Tá gaal hé ˈdéé maale, hát kuun kerka gál Yuuˈdi lulle giri kidh hurt gaa ijoká geđicho-, gaal hemuumurit kúnnaa Moshe kinaal el af gaa tataan-, gaal umle ma hermisiny-, ubaa siraatkúnno haađuoká.

He Ekeny Gál Alb Fimiká 22:21

Aalé Máá Guđoká ye geey, kieye, Keʼ, sí, yú kidh fágatíá ko ali ˈdú kakaa, muí ye yie, Báulo hí gáál yie.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote ki Naamaká 1:11

He ˈdaa Fayam Midhaballáka in Waag ye ká eeyye, ye máállé ali gaa kaany-, gálaat fayamééllá ki ˈdiyeen-, ubaa ˈdeeny lééllá gálaat oonisuoká hoyche.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Bétiro Erká 1:1

Yú he Bétiro, máá ali gaa kaany-, Yiesu Kiristoká. Warˈgatééllá it Waag hí waarate-, hí lésallá ma lileny-, hí lés Bontos, lés Galatia, lés Kabaˈdosha, lés Asia, tá lés Bidhinia gaa iđáállá yú hí ˈdu gáá verene.