Yuána 7:30 - Fayam Midhab Yiesu Kiristoká He Hol Af Iđiny Kaanaká

³⁰ Mu ˈdeenyééllá tákáma hodhe, gál guguđo-, Yuuˈdiká đo mú ˈgiliˈgany gaa ˈgeˈgedhe, kor ˈdaa giri mú aleđuđugulle ali ma kí ˈdíinyká gaal hé máá níínní mú đig yieká mán.

Yuána 7:30 ပူးပေါင်းရင်းမြစ်များ

Matááyo 12:14

Gál Farisaay ál kinaal gaa ijeká đo baad yé ki ˈdie, ˈgíérích Yíésu ki yegeská ˈdeenyle hol geey.

Matááyo 21:46

Aalé gaal ˈgíérích Yíésu ki ˈgiiliˈgawká hol gaa ˈgeˈgedhe, kor gaal nyesebich kiadhe, ˈdaa giri nyesebich Yíésu máá Waag hí ˈdeem ka shigichoká ka dhaˈgameká.

Márko 11:18

Gál guguđo-, suoryoká ubaa gál nyatalaamká héél lulle maaleká mú kiadhe. Gaal ˈgíérích he mú ki yegeská hol gaa ˈgeˈgedhe, ˈdaa giri nyesebich lulle mú he onisinyle af ˈdabeká.

Lúka 20:19

Aalé gál nyatalaamká ubaa gál guguđo-, suoryoká ˈdaa giri hibéél muí gáál ˈdaalle ki hodhe-, gaalí ógká, gaal ál tikiˈde kinaallá ˈgíérích mú ki ˈgiiliˈgawká hol gaa ˈgeˈgedhe, kor gaal gál mú af nee kokoyká kiadhe.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Yuána 10:31

Gál guguđo-, Yuuˈdiká đo geđi waar mú ki tutunoká shuunne.

Yuána 10:39

Aalé gaal geđi mú ˈgiliˈgany gaa ˈgeˈgedhe, mu đo gáál mé af ˈgite.

Yuána 11:57

Tá gál guguđo-, suoryoká ubaa gál Farisaayká íín hé kis ˈdéé muˈde, giri máádhat Yíésu ál he gaa ijoká óíytaka, mu gáál ˈdéé ˈdú siidho-, mú gaalí ˈgiiliˈgawká.

Yuána 7:19

Itín Móshe hí hemuumurit Waaˈgiet ma shíiny? Har úba hát kinaal kátaka it máá níínní hemuumurít ki yielká mán. Tá háteka hí ye oos ˈgayyáal? Yíésu hí gáál yie.

Yuána 7:32

Gál Farisaay nyesebich ˈdeeny Yiesúúl hol geđia maaleká, íín ubaa gál guguđo-, suoryoká đo gál ˈBíl Waaˈgietká ˈdeˈdeenká ali fie, giri gaal Yíésu ka ˈgiiliˈgawká.

Yuána 7:6

Aalé Yíésu kieye, Aleđuđugul chia yú gaa seseenká hé ali ma kí ˈdíiny, tá itín aadh ˈgás hí gaa seseennoká it uˈda.

Yuána 7:8

Itín ˈjila bííyle mé náa. Yú yáá káánallá ma seeminy, ˈdaa giri hééllá aleđuđugulchú muuninyká, Yíésu hí gáál yie.

Yuána 8:20

ˈDeenyééllá af giri mu ˈBíl Waaˈgietká álle gálaat he gaa oonisieká muí hodhe. Mu af kinaallá ál gálaat hí héllé shiichoká hol ˈdu sisidhoká he láá ije. Tá ˈdaa giri mú aleđuđugulle ali ma kí ˈdíinyká, mú hé máá níínní hí ˈgiliˈgayká mán.

Yuána 8:37

Itín hát hí hídh Abiraayamká yáá hí óg, kor ˈdaa giri hí ˈdeenychú ma ˈdú fafinyká, in hí tagkícho ˈdiiyye, hí ye chegese.

Yuána 8:59

Gaal héél tákáma maale, đo waar giri mú ki tutunoká shuunne, Yíésu đo gáál mé af ˈgite, ˈBíl Waaˈgietká náble yé gaa ˈdie.

Yuána 9:4

Biiy hátlé kulichká taalle Máá ye ali gáá kaayká kí hújíchle naannuo. Chúúré gálaat hí hujich ma gaa nanninyká ali hai kí ˈdeenne.