Yuána 7:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé Yíésu hátlé giri gálaat ˈBíl Waaˈgietká nyáláárle geer he gaa oonisieká af gaa guđoká ˈdéé ki hodhe, kieye, Itín it ye óg, ál yú gáá yimieká úba it óg. Tá yú yáá meenychú ma kí yímen. Máá ye ali gáá kaay-, itín hí muogká, hé tág ˈdúwa.

Yuána 7:28 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 2:23

Mu ény gaalí Násaret yegetká álle gaa ˈgudhdhe. Aalé ˈdeeny gál Waag hí ˈdeem ka shigicheká hí hodhe-, giri kieye, Mú máá Nasareto gaalí yeedhe, yieká ˈduway.

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

Lúka 2:39

Aalé gaal he gaa ním hemuumurit Waaˈgietká hí hoteká lulle mé đig yieká gaal lés Galilaaya hol ˈdú nadhe, énylé Nasaretká mé nie.

Lúka 2:4

Yúósef úba ény Nasaret giri lés Galilaayaká gaa kie. Ény ˈDawuˈd-, gaalí Bételeem yeget-, giri lés Yuuˈdiaká mé nie, ˈdaa giri mu máá ˈbíl íl ˈDawuˈdká.

Lúka 2:51

Aalé mu gáál hol eedhdhe, gaal Násaret hol ˈdú nadhe, mu gáál ˈdeenyle el gaa veere. Mú ˈjiellé María ˈdeeny kinaal lulle geerle gaa kaate.

Yuána 1:46

Nadhániel mú ˈdéé hol ˈdú nie, kieye, Hoo! Násaret kín hé midhabká hé hí yé gáá ˈdeˈdeen? yie. Aalé Fílib mú geey, kieye, Káde, ílkú hí ko geeycho, mú yie.

Yuána 10:36

tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 12:49

Tá yú yáá hé meenychú ma húógon, ˈJaa chia ye ali gáá kaayká in hé yú hogodhoká ubaa hé yú hí geđuoká ye kí mure.

Yuána 14:10

Hát yú ˈJaachú gaa ijo-, ˈJaachú íín ye gaa ijoká, kó iiy ma chéen? ˈDeem yú hí geđúóllá hé hé meenychú muuniny. ˈJaa chia ye gaa ijoká in hújíchle nannaa.

Yuána 14:31

tá hééllá yú hurt higilóóllá he giri les gálle yú hát ˈJaachú giel-, hé ˈJaachú hí ye kí mureká lulle el gaa igiroká kiimisatká. Ka kée, kí siet, Yíésu hí lalille yie.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 3:33

Tá máá mú ˈdeenyle iiy yieká Waag ˈduuwlé gálaat argisie.

Yuána 5:32

Máá ˈduuwchú hogodhoká hé biiy gaa ijo. Máá kinaallá ˈduuw chia hogodhoká hát ˈdúwaká yáá óg.

Yuána 5:43

Yú meeny ˈJaa chia kí yimie, kor itín it ye điite. Tá máá éíy taaka meenyle kí yimieka, đo iiyyo hí chie.

Yuána 6:42

Gaal kieye, Hééllá hé Yíésu giri iny Yuosef ˈjaalle ubaa ˈjielle ki ógká muunîny? Tá háteeye, káána kieye, Yú úrro gáá yimie, yegedhe? gaalí yie.

Yuána 7:14

Aalé ˈjila gaalí ká naate-, toom ka ˈdoyyeká Yíésu ˈBíl Waaˈgietká nyáláárle geer hile, gálaat he onisie.

Yuána 8:14

Aalé Yíésu gáál ˈdéé hol ˈdú nie, kieye, Har káána yú hol ˈduuwchú ˈdú hogodhoka, ˈdaa giri yú ál gáá yimieká ubaa ál seseenká ógká, hol ˈdúúw ˈdú huogon chiallá hé ˈdúwa. Tá itín íín it ál yú gáá yimieká ubaa ál yú seseenká muog.

Yuána 8:16

Tá har yú máádhat ˈdéé ki iđieka, ˈdéé ki iđinychú hé ˈdúwa, ˈdaa giri yú tákámchú muuniny-, ˈJaa chia ye ali gáá kaayká nyí hol ˈgayyaká.

Yuána 8:19

Aalé gaal mú heete, kieye, ˈJaakú aake? gaalí mú yie. Yíésu gáál ˈdéé hol ˈdú nie, kieye, Ití ye muog, ˈJaachú úba it muog. Itín hí ye onnônyka, it ˈJaachú úba óg, muí gáál yie.

Yuána 8:26

Yú yáá hé guđo-, hí ˈdú ˈdeđensetká ˈguo. Tá Máá ye ali gáá kaayká hé yú gaa maaleká in yú gálaat lésallá gaa geđia. Máá kinaallá hé ˈdúwa, muí gáál yie.

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

Yuána 9:29

Móshe hát Waag hol geđieká nyáá nyí óg, tá máállá ál he gáá yimieká nyáá nyí muog, gaalí mú yie.

He Ekeny Gál Alb Fimiká 17:23

Yú af giri ˈjienkícho gaa seseme-, hé giri hí waagam ki ˈditeká yú dhaˈgameká, kúb suoryo gaalí gaar gaa ˈgeˈgey-, gaar veeritle kieye,hééllá waag gaalí muogká ke ki ˈdisse, chieká yú arge. Waag hí muog-, kor hí vivisat kinaallá he Waag yú hí kí ˈdiyeenallá.

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Róóma 3:4

Híʼi, he hé hát kinaallá muuniny. Har gálaat lulle úba hođom líítaka, Waag íín hát lullé he ˈdúwa, hát káána ˈDáwuˈd hí Waag geey-, mu kieye, Hé kuuní hogotoká taglé, ˈdeensenkú hé ˈdúwa, yieká.

Korínto ki Naamaká 1:18

Hát káána Waag ˈdeenylé hogotoká ˈduwasichóóllá, ˈdéé hót kínyaa ke hí geey-, Iiy-hí, ke hí yieká, nyáá nyí hállééllá hol ma gaa lâny.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.